tlhIngan-Hol Archive: Sun Nov 23 10:48:51 1997
[Date Prev][Date Next][Thread Prev][Thread Next]
Re: peDtaH 'ej jIQuch
- From: "William H. Martin" <[email protected]>
- Subject: Re: peDtaH 'ej jIQuch
- Date: Sun, 23 Nov 1997 13:50:55 -0500 (Eastern Standard Time)
- Priority: NORMAL
On Sat, 22 Nov 1997 11:43:43 -0800 (PST) Alan Anderson
<[email protected]> wrote:
> ja' ghunchu'wI':
> >> 'ugh pagh tIS 'e' vIjuvlaHbe'chugh, ngI'be' 'e' vIQub.
>
> ja' charghwI':
> >qarbe'ba'. vay' ngI' Hoch. DajuvlaHbe'chugh vaj DajuvlaHbe' neH.
> ja' ghunchu'wI':
> loQ choponta'. vay' ngI'bej chuch qutHom 'e' vIlajchoH.
> 'ach ngI'be'bogh Doch tu'lu' je.
>
> ngI'be' qech. ngI'be' QeH. ngI'be' nger, DIch, ngoD, vIt joq.
> potlhbej, 'ach ngI'be'chu'.
jIQoch. yabvaD loSSaD cheb ngI' qech. tIqvaD cheb loSSaD ngI'
QeH 'ej nom vIHtaH QeH. tlhoS 'omlaH pagh. QeDvaD loSnetlh cheb
ngI' nger. choHlaH 'u'Hey. vItna'mo' SaHwI'vaD DIch ngI' law'
Hoch ngI' puS. ghoHwI'vaD ngoD ngI' law' Hoch ngI' puS.
yuDHa'wI'vaD vIt ngI' law', Hoch ngI' puS.
'ach jISaghchoHchuch, Dochmeyqoq juvlaHbe'ba' vay' 'ach
jatlhlu'chugh <ngI'be'> Qaghlu'. pagh ngI' Dochmeyqoq'e'
juvlaHbe'bogh vay'.
reH *object* ghajnIS <ngI'>. Dap moj *object* Hutlhchugh
mu'vam'e'.
> -- ghunchu'wI'
charghwI'