tlhIngan-Hol Archive: Thu Nov 20 22:31:57 1997
[Date Prev][Date Next][Thread Prev][Thread Next]
Re: 'IH ghew
- From: Qov <[email protected]>
- Subject: Re: 'IH ghew
- Date: Thu, 20 Nov 1997 22:31:54 -0800
>lab ghunchu'wI'
>ja' pagh:
>>'IHbej Holmaj.
>jIQochQo'.
moH tlhIngan Hol maq SoSwI' 'ach yajbe' ghaH. ghogh ghegh neH Qoy.
>>[...]
>>qep'a' loSDIchDaq, ja'chuq Qov latlhpu' je. jatlhchu' Qov, 'ach nom
>>jatlh, 'ej QoyHa' wa'. vaj jatlhqa' Qov <ghew>. jatlhchu'qu', 'ej
>>wanI'Homvam vIqawchu'taH. chemvaH rur ghoghDaj: Hab 'ach Qob.
>>qep'a'vo' QIch chovnatlhvam neH vIqawlaHtaHchugh, jIyonlaH.
>
><megh> jatlhtaH Qov 'e' vIqawqang. mu'vam jatlhtaHvIS, le' ghoghDaj.
>ghojmoHmeH pupbe' QIchvam, 'ach vIQoymeH 'eybej.
jIHvaD mu' le' 'oH <megh>'e'. vIQIj: wa'maH ben TKD vIje'DI'
*Russia* Hol vIHaDtaH. *Russia* Hol jatlhlu'taHvIS, {ye} 'oH {e}'e'.
"nyet" yIqel. tlhIngan QIchwIj SIgh *Russia* Hol. {e}meywIj tunmoH.
reH DISvetlh DungluQ jIjatlh <m(y)egh Dan(y)eH'a'?>. tlhIngan Hol
vIHaD 'e' vImev, 'ach Hoch vIlIjbe'ba'. qaStaHvIS chorgh DIS nIteb
mu'tlheghmeywIj vIlo'mo' yabwIjDaq jatlhHa'taHghachwIj vIghItlhqu'.
chovnatlhmey: {nuqneH} {Ha'! megh vIneH!} {'uQ DaneH'a'?}
jIjatlhDI' pe'Ijqu'. mu'meywIj tIQ bIH mu'meyvam'e'. not latlh
jatlhwI' vIQoypu', not qonbogh ghogh vIQoypu'. QIchwIj vIlIS 'e'
vInIDba' 'ach yabwIjDaq ghItlhqu'lu'mo' Qatlh Qu'.
QIchwIj botIvmo' 'ej bonaDmo' jIQuch. QIchwIj vItIvba' jIH net
Sov. :)
SKI: The words I learned, remembered and mispronounced through eight
years of never hearing another Klingon voice are embedded in my brain
in their mispronounced form. I'm glad some of you enjoy hearing my
voice--it's well known that I do. :)
Qov [email protected]
Beginners' Grammarian