tlhIngan-Hol Archive: Fri Nov 14 13:52:16 1997
[Date Prev][Date Next][Thread Prev][Thread Next]
Re: peDtaH 'ej jIQuch
- From: "William H. Martin" <[email protected]>
- Subject: Re: peDtaH 'ej jIQuch
- Date: Fri, 14 Nov 1997 16:52:14 -0500 (EST)
- In-Reply-To: <[email protected]> from "Alan Anderson" at Nov 14, 97 11:57:13 am
ghu'lIj DaqelmeH mIw vItIvqu', 'ach 'ay'Hommey vIyajchu'be'.
According to Alan Anderson:
>
> wa'maH cha' Hu' peDchoH muD.
> peDtaHqu' 'e' buq chal.
> loQ taDchoH Hemey.
> 'ach ngaj wanI'.
> qaStaHvIS wej rep jISey.
> 'ach qaSpa' choS qetlhqa' muD Dotlh.
> nom tet Hoch. SIbI' ngabchu' chuch.
qo'lIj leghlaHlaw' mInDu'wIj.
> wa'Hu' choS peDqa'taH.
> vI' qutHommey.
> (qutHommey bIH 'e' vIHar.
> napHa'ba', 'ach bIH ram law' qutna' ram puS.
> motlh 'IH je, 'ach 'IHnISbe' qut.
> Sub qutna'. ngI'be' qutHom.)
ngI'be''a'? Huj. chaq pagh ngI'.
> nom yavDaq pormey vIbI'pu'be'bogh luSo'.
> DaHjaj jajlo', wejmaH vatlhvI' 'uj Saw' ngupHey chIS tuQtaHbogh yuv.
'IHqu' mu'tlheghvam. chaq 'oH DublaH {chIS'e'}. wejmaH vatlhvI'
'uj Saw'be'ba' yuv. wejmaH vatlhvI' 'uj Saw' ngupHey chIS'e'.
> pa'na' 'oHbe'mo' DujwIj vergh'e', Duj Som vIHuvmoHnIS.
nuq 'oH <<vergh>>?
> jIbepbe' -- Dun ghu' 'e' vIHar jIH.
maj. Qu'lIj yItIv!
> DuSaQ ghoSmeH puqloDwI', lupwI' lIgh.
> lupwI' ghoSmeH, yavDaq yItnIS.
> DaHjaj chuchDaq yItnISlaw'.
> ghaH vIQorghmeH, He mach vIHuvmoH.
> Qu'vam vItaghpa', DujwIj QuQ vIchu'.
> vaj tujchoHlI' Duj qoD, chuch vIbI'taHvIS.
bIQubchu'ta'. bIval.
> pov loQ choHpu' muD Dotlh.
> QIt tetqa'taH chuch qutHommey.
> 'ach DaHjaj, wa'leS, cha'leS je peDqa' net pIH.
tugh qaStaHvIS cha' rep jIlengnISlI'mo' naDev peDbe'mo' jIQuch.
pa' peDpu'mo' bIQuch. jaS maQuch.
> jIQuchbej. DIS 'ay'vam vIparHa'!
> qul vISuqchugh, 'ej tlhutlhmeH yuch tuj vISuqchugh, vIparHa'qu'.
> be' 'IH vIghaj; latlh vIpoQbe'. :-)
QaQba' yInlIj. DatIvtaHjaj! (Do I hear incoming missiles?)
> -- ghunchu'wI'
charghwI'