tlhIngan-Hol Archive: Sun Mar 23 07:40:02 1997

Back to archive top level

To this year's listing



[Date Prev][Date Next][Thread Prev][Thread Next]

jIqon 'ej jImogh



velqa qelbogh lut chu''e' vIqon.  (velqa qaw ghotpu' law' 'e' vIHar.)  DaH 
jImogh.  rut Dochmey vIpIHbe'bogh ta' reHwI'pu'.  motlh vIchaw' 'ej vIqontaH.  
lutwIj vItaghDI', QongDaqDaq Qot velka.  Hu'nIS 'ej vavDaj latlhpu' je je'meH, 
wamnIS.  'a Hu'be'.  Hov tuj tIv velka.  Hu'DI', paSqu'.  DuHbe' chon.  nIQ 
neH vavDaj 'ej Ha'DIbaH tlhol tu'lu'be'.  QeH DareS, vavDaj, 'ej velqa ngoQmey 
chu' qel neHbe'.  qab ghu'vam.  tlhetlhlaHbe' lut, juH mej velka 'e' 
chawbe'chugh DareS.  motlh ngoy'wI' Da velqa 'ej buDbe' ghaH.  qatlh Dochvam 
ta' velqa?

lutwIj jItaghnISqa'.  chalDaq Salpa' pemHov, Hu' velqa 'e' vIraD.  Qa' wam 'ej 
HoH.  Dun Hoch.  'a ghaH HIv Qa' cha'DIch.  mevnIS 'e' Qa' cha'DIch HoH.  rIQ 
DubDaj 'ej juH ghoStaHvIS, reghqu'.  Qa' 'ugh qengtaHvIS, QIt vIHlaH neH 
velqa.  juHDaq pawDI', paSqu'.  DaH Ha'DIbaH tlhol tu'lu', 'a bergh DareS.  
chaq velka mu'mey Qoy pagh chaq qechDaj qelbe'.  wej vISovbe'.  loQ qaq 
ghu'vam.

chaq Sujatlh, "qay'be', nIQ 'oH neH.  SaH 'Iv?"  'a Sun leHnISlu' 'e' vIHar.  
QapHa' SuvwI'pu' Sun luHutlhchugh.  chaq wejlogh lut 'ay' wa'DIch vIqonchugh, 
paSbe' velqa.  DIch vIghajbe'.  DuHmey pIm tu'lu'.  wamtaHvIS, pum velqa 'ej 
'uSDaq ghor 'ej paSqu'.  Ha'DIbaH nIH nIHwI'pu' 'ej velqa rIQmoH 'ej paSqu'.  
velka qop negh, qeylIS Qa' HoHmo' ghaH 'ej paSqu'.  (Dap!)  qaS wanI' ramqu' 
'ej 'eqqu' velqa.  'eqchugh velqa, vaj yol tu'lu'be'.  ghaytan Dal lut.

Dochvam rurbogh wanI''e' ghaj'a' lutmey qonbogh vay''e'?

SanDar


Back to archive top level