tlhIngan-Hol Archive: Mon Jun 02 20:04:54 1997
[Date Prev][Date Next][Thread Prev][Thread Next]
Re: Ser (lut 'ay' wa': Hol)
- From: "William H. Martin" <[email protected]>
- Subject: Re: Ser (lut 'ay' wa': Hol)
- Date: Mon, 2 Jun 1997 23:05:54 -0400 ()
- Priority: NORMAL
On Mon, 2 Jun 1997 11:05:40 -0700 (PDT) Robyn Stewart
<[email protected]> wrote:
> Ser
> lut 'ay' wa': Hol
> ===========
> taghDI' tlhIngan nugh, tlhIngan neH tu'lu'. Sut tuQbe'. ghop neH
> lo'. wej jatlh. yInmeH qor. chen qorDu' 'ej Qu' ta'meH jIj. QummeH
> chaH chen Hol.
chenpa' Hol, qawlaHbe' tlhIngan nugh. HeghDI' wa' tlhIngan,
lojchoH Hoch'e' Sovbogh ghaH. [Hmmm. Should that be 'oH?] [Heh,
heh...]
toH! chenpa' Hol, Ha'DIbaHmey bIH tlhInganpu'! nugh Hutlh
Ha'DIbaHmey. Hol chenDI' nuvpu' moj tlhInganpu'! chenpa' Hol nuq
bIH tlhInganmey? jISaHbe'! Hol poQ batlh. chenpa' batlh, ramqu'
Hoch. chenmeH batlh chenta' Hol! reH batlh toy'nIS Hol!
'ej batlh toy'bej Qov mu'mey! rut qangach 'ach reH qavuv!
> chay' tagh Hol? Sovbej pagh. ngermey DIqel neH. chaq 'oy'DI' qoj
> QuchDI' qoj ghungDI', bong chuS ghot 'ej mu'meyqoqvetlh lo' latlhpu'.
> chaq Ha'DIbaH DataHvIS puqpu' mu'meyqoq 'ogh. mu'meyqoqvam
> jatlhtaHvIS tlhInganpu', qech tlhejchoH mu'. QIt Dub Holqoq nap 'ej
> 'ItlhchoH tlhIngan Hol.
Daj qechlIj.
> 'ach pupbe' ngervam. not 'ItlhchoH Holmey DItu'bogh. reH Sab.
> ngab moHajmey mojaqmey je. napchoH pab. tera'Daq Hol 'Itlh lo' taymey
> lutlh taymey 'Itlh je.
mu'meylIj vIyaj, 'ach qechvam vIyajbe'law'.
> chaq HoHpa' joH'a'pu'chaj Hol nIH tlhInganpu'. maSovbe'.
not nIH tlhInganpu'!
> lI'qu' Hol. qorDu' ghuHmoHlaH qoj gheD Daq DellaH qoj Sov Sar
> QIjlaH Hol jatlhlaHbogh tlhIngan. Hol Hutlhbogh qorDu' jeylaHqu' Hol
> ghajbogh qorDu'. jatlhlaHDI' tlhIngan Serna' chav.
'ej quv chav tlhInganpu' 'e' chaw' Hol. puj Hol Hutlhbogh yab'e'.
> ----
> SKI: Be it an invention or a gift from the gods, language is a major
> achievement.
bIqarba'.
> -Qov
charghwI'