tlhIngan-Hol Archive: Wed Jun 04 06:02:01 1997
[Date Prev][Date Next][Thread Prev][Thread Next]
Re: Ser (lut 'ay' wa': Hol)
ghItlh ghunchu'wI':
>Daq DelmeH 'utbe'law' Hol.
>lurgh 'anglaH nItlh. jatlhnIS pagh.
>Soj Daq DellaH ghew porghDaj vIHmoHtaHvIS.
>De' yajchu' latlhmey 'ej Soj luboSmeH tlheD.
>Hol lulo'taH'a'?
Hol lulo'ba' ghewvetlh. De' napbe' luQumchu'. QIch poQbe' Hol.
Hol lulo' jatlhlaHbe'bogh ghotpu' QoylaHbe'bogh ghotpu' je.
'a pImqu'mo' Holchaj, <ghewmey> vIghItlh. <ghewpu'> vIghItlhQo'.
jang Qov:
>ghew 'oHbe' tlhIngan'e'. Daq Delchugh tlhIngan mu'mey lo'be'taHvIS vaj
>mu'mey lo'be'bogh Hol'e' jatlh tlhIngan. Qub tlhIngan. vang neH ghew.
Qubbe' ghew qatlh 'e' DaHar? pImqu' yabchaj yabmaj je. chaq wIghovbe' neH.
Qubbe'chugh ghew, Qub'a' targhmey? Qubbe'chugh targh, Qub'a' Humanpu'?
- QubtaH Sor 'e' Harbogh DaQtIq'e'