tlhIngan-Hol Archive: Thu Jul 10 17:42:53 1997
[Date Prev][Date Next][Thread Prev][Thread Next]
Saj, 'ay' wejDIch
- From: "Deborah Kay" <[email protected]>
- Subject: Saj, 'ay' wejDIch
- Date: Fri, 11 Jul 97 00:46:10 UT
Thanks to everyone who has commented and offered suggestions. ~mark, I don't
think you'll have to dodge too many <Daj>'s in this part.
tugh qaStaHvIS jaj, nI'choH poH Hurgh. bIrchoH jajmey. DaH qaStaHvIS jajmey,
gheD nejtaHvIS vav, ngemDaq ratlh. QatlhchoH chon, 'ach yap Soj. SIQtaH
qorDu'. qaSDI' ram, retlhDaq qul ba'taHvIS qorDu' naQ, paw wej loD.
tamtaHvIS, vavvaD tlhup. tugh qorDu'vaD jatlh vav, <ghob ta' jaghDaj je.
negh law' lupoQ ta' 'ej SIbI' jImejnIS. be'nalwI', puqloDra' yIQorgh.
jIchegh 'e' vIHech.> nuHmeyDaj boS vav 'ej nom ngab.
DaH SopmeH qorDu', wamnIS SoS, Hoch jajlo' juHvo' mej. wamwI' po' ghaHbe' 'ej
Ha'DIbaH SamDI', pIj gheD HoHlaHbe'. rut targh 'er ghap HoH. qaStaHvIS pem
naQ, naHmey boS loDHom, ghaH tlha'taHvIS SIQwI'. wam loDHom neH, 'ach poH
tu'lu'be'. pIj Ha'DIbaH QaDlu'pu'bogh Sop qorDu'. Hoch jaj SojDaj wav loDHom
'ej targhvaD bID nob. langchoHtaHvIS SoS Duy', ghaHvaD jach, <targhvaD Soj
Dajab 'e' yImev!>
<Qo'! SoS. SIQwI'vaD SojwIj'e' vInob. muwuv. Hegh 'oH vIneHbe'.>
<qoH, bISopbe'chugh, vaj bIHegh. SaQorghbe'.>
<muvoq SIQwI' 'ej vImaghbe'. targhvaD bIngoy', bIjatlhpu'.>
Qopmo' SoS, tamchoH.
tugh peDchoH. peDtaHvIS, chen chuch. bIrqu'mo', tetbe' chuch. Hoch jaj
wamtaH SoS, 'ach juHDaq pagh qem. Hoch jaj naHlet naH je nej loDHom, 'ach
jenqu' chuch. qul chenmoHmeH, naQmey boS loDHom, 'a naQ puS tu'lu'. chuchDaq
yItbe'mo' targh, juHDaq ratlh 'oH. Hoch ram Ha'DIbaH choqlu'pu'bogh Sop, 'ach
yapbe'. SIQ tuqchaj neHmo' SoS, puqloDvaD Soj 'ay' HochHom nob. targhvaD 'oH
jabDI' loDHom, chaH QeHmoH 'oH. 'ach pagh jatlhtaH. nachDajDaq HeDlaw' SoS
mInDu'. porghDajDaq HuS loDHom DIr QeyHa'. Hoch Hom leghlu'. targhvaD Soj
je'taH loDHom. peDtaH. HurDaq ghoSmeH, QobchoH. DuHbe' chon. juHDaq SIQwI'
qem loDHom. ghaHvaD jatlhQo'mo' SoS, morghbe'. tujchoHmeH targh, mobDajDaq
'oH qat loDHom. tay'taHvIS, loQ tujchoH. qul luleHmeH, quSmeychaj
meQmoHlu'pu'mo', qaStaHvIS jaj, nagh ravDaq ba'taH 'ej pagh lubuS. taDtaH yav
'ej taDlaw'taH poH. targh 'uchtaHmo' loDHom, retlhDajDaq ba'be' SoS. qulvaD
'aH chelDI' SoS, vIH. motlh chuchqut rur. tlhuH be' net leghbe'. vIHbe'
targh loDHom je.
rIn 'ay' wejDIch.
SanDar