tlhIngan-Hol Archive: Sat Jan 18 09:37:45 1997
[Date Prev][Date Next][Thread Prev][Thread Next]
SeQpIr, *Sonet*mey bom 123
- From: Nick Nicholas <[email protected]>
- Subject: SeQpIr, *Sonet*mey bom 123
- Date: Sun, 19 Jan 1997 04:39:14 +1100
- Organization: Ling & App Ling, Uni of Melbourne
123
Qo', bov! "bIchoH" bImIy 'e' vIchawQo'!
jIHvaD Dojbe' 'ej Dal vaS'a'lIj motlh
chenmoHpu'bogh HoS chu'. reH chavmey ngo'
luSutqa'moH neH bIH; ngo'Ha', 'ach notlh.
nom rInnIS DISmaj; vaj wIHo'taHmeH
ben quv wIbuS, bIraDmo'. quvvetlh tu'lu',
'oH boghmoHpu'mo' neHtaHghachmaj leH,
net Har --- 'a lutmey tIQDaq ghoghDaj ngu'lu'.
Hoch tameylIj vIqaD, 'ej SoH qaqun,
'ej jIH muSIvmoHbe' DaHjaj, Hu' po je,
neplI'mo' ghu' wItu'bogh; nep je qun,
ghurDI' 'ej nupDI' yo'HeylIj Dup, Do je.
'ach DaH jI'Ip, 'ej batlh not mu'woQvetlh lIj.
Su': reH jImatlh --- mughIjlaHbe'mo' 'etlhlIj.
--
Kai san swqhkan t' akriba piota, N N O n.nicholas@linguistics.
kai san plhsiaze pia h wra tesseres, I I L unimelb.edu.au http://
ston erwta doqhkan eutuxeis. C C A daemon.apana.org.au/~opoudjis
K.P.Kabafhs, _Duo Neoi, 23 Ews 24 Etwn_ K H S *Ceci n'est pas un .sig*