tlhIngan-Hol Archive: Fri Jan 10 23:02:39 1997

Back to archive top level

To this year's listing



[Date Prev][Date Next][Thread Prev][Thread Next]

HuH jat je moQmey



HuH jat je moQmey mIw (recipe for slimy tongue balls)

pIj qaStaHvIS lopno'mey, nay'vam jablu'.
tlha'bogh tlhIngan lopno' DalopDI', HuH jat je moQmey Daqem DaneHchugh, vaj
mIwvam yIpab:

tIqnagh jatDu' tlhol Suq vutwI'.
SoplaH jav mebpu', wej jatDu' tIn (vagh jatDu' mach ghap) lo'DI' vutwI'.
taj jejqu' lo'taHvIS, jat DIr ghegh teq.
jat Somraw pe'chu'.
targh HuH pubmoH vutwI'.
jeDqu'choHta'DI' HuH 'ej HumchoHta'DI', pubmoH 'e' mev ghaH.
pubta'bogh HuH, jat pe'lu'ta'bogh je DuDchu'.
Soj DuDlu'chu'ta'bogh lo'taHvIS, moQmey mach chenmoH vutwI', ghopDu'Daj
lo'taHvIS.
moQmey chenmoHmeH, tujqu'nIS HuH, 'ach 'oy' SIQ ghaH.
HuHmo' Humqu'choHchugh ghopDu' vutwI', bIQDaq bIH lan.
Hoch moQmey chenmoHta'DI' vutwI', SIbI' nay' jab.
SopmeH taj lo'taHvIS, nujDaq moQ lan SopwI'.
rut tI pe'lu'chu'ta'bogh, yuch taS joq jab je vutwI'.
neHchugh SopwI', vaj moQ ngoHlaH, bIH lo'taHvIS.

rut ro'qegh 'Iw lo' vutwI', 'ej targh HuH lo'be', 'ach pImbej Soj pIw, vaj
'Iw lo' vutwI' 'e' chuplu'be'.



Back to archive top level