tlhIngan-Hol Archive: Wed Feb 12 00:26:58 1997
[Date Prev][Date Next][Thread Prev][Thread Next]
RE: jIHub'egh
- From: "David Trimboli" <[email protected]>
- Subject: RE: jIHub'egh
- Date: Wed, 12 Feb 97 03:03:57 UT
February 11, 1997 2:09 PM EST, jatlh Holtej:
> *Glen*mo' jIpuQ: qechDaj Dogh vISIQtaH 'e' vImuS.
> qaStaHvIS DIS law' tlhIngan Hol wIqel, 'ej not numuv. HopDI' nunuQ, 'ej
> wIjanglaHbe'. qechDaj wIDelbej, 'ach jeSbe' *Glen*.
>
> ngaqbogh nuvpu'vaD jIjatlh:
wot ghaHtaH <ngaq>'e' 'e' Qublaw' Hoch *Hamlet* vumwI'! :) DIp 'oHbej.
> qech Daghajchugh, 'ej wIqel DaneHchugh,
> yIjatlh. 'ach, jeS neHbe'bej *Glen*; ghaHvaD yIjatlhQo'. tlhIngan Hol
> SaHbe'bej *Glen*; tlhIngan Hol wIqelmeH maja'chuq 'e' jeSQo'.
not maja'chuqpu' jIH *Glen* je. wa' *QIb HeHDaq* neH vIlaDpu'; pIqaD
paQDI'norgh vIje'DI', vIHev. Doghbej qech puS. tlhaQbej qech puS (tlhaQchu'
*ghummey chuS*!)
'ach not muQeHmoHpu' *Glen*. vaj pe'vIl jIjachbe'. naDev jeSbe' *Glen*, 'ej
meq vISovlaw': ghaHvaD jach Hoch! Do'Ha', Qochchugh vay', jach je *Glen*!
ghu'vam vIpIH. pIch ghajlaw' Hoch.
vaj QummeH *Glen*, *Ken* lo'. 'ej Qan'eghmeH, *Ken* lo'. qar'a', *Ken*?
chaq SeymoH QeH, 'ach mayeqnISqu'. pechIDneS: tlhInganpu' maHbe'!
--
SuStel
Beginners' Grammarian
Stardate 97117.4