tlhIngan-Hol Archive: Tue Feb 11 11:01:31 1997
[Date Prev][Date Next][Thread Prev][Thread Next]
jIHub'egh
- From: Holtej <[email protected]>
- Subject: jIHub'egh
- Date: Tue, 11 Feb 1997 13:59:10 -0500 (EST)
Hu' puS maja'chuq SuStel jIH je. jabbI'IDghomvam vIjeSmeH poH yap
vIghajbe'mo' jIbep. DaH, potlh vIjatlh vIneH; batlhwIj vIHub, vaj
jItamHa'choH. *Glen*mo' jIpuQ: qechDaj Dogh vISIQtaH 'e' vImuS.
qaStaHvIS DIS law' tlhIngan Hol wIqel, 'ej not numuv. HopDI' nunuQ, 'ej
wIjanglaHbe'. qechDaj wIDelbej, 'ach jeSbe' *Glen*.
ngaqbogh nuvpu'vaD jIjatlh: qech Daghajchugh, 'ej wIqel DaneHchugh,
yIjatlh. 'ach, jeS neHbe'bej *Glen*; ghaHvaD yIjatlhQo'. tlhIngan Hol
SaHbe'bej *Glen*; tlhIngan Hol wIqelmeH maja'chuq 'e' jeSQo'.
*Glen*, muQoychugh, yIqIm: qaqaD! ghomuv! qechlIj tIHub! 'ach
DaHubbe'chugh, (chaq bIjeSlaHbe', chaq bIjeSQo'), ghonuQQo'! qatung
vIneHbe'bej, HIyajHa'Qo'. jabbI'IDghomvam yImuvvIpQo'. pIHoHQo'.
DaH jIjotchoH. *Glen* mu' Qujmey vIHIvDI', wa' qech vIjey 'e' vIHech.
chIch mu' Quj chenmoH *Okrand* 'e' maq *Glen*. teHbe'bej. mu'tay' qawmeH
mu' Quj chenmoHbej *Glen* (le'bej mu' puS, chenmoHba'bogh *Okrand*).
ngoDvam vItembe'; QaQ qech, chaq nIv. 'ach qech muchDI' *Glen*, chenmoH
*Okrand* chup. chIch DevHa'mo' *Glen*, pe'vIl jIbepta'. jIbyab qechDaj
'oH neH. (mu' 'oHbe'bej /jIbyab/; *Glen*vaD chIch vIlo').
pItlh.
--Holtej