tlhIngan-Hol Archive: Tue Dec 23 07:44:42 1997
[Date Prev][Date Next][Thread Prev][Thread Next]
tugh jIghIQ jIH
- From: [email protected] (Alan Anderson)
- Subject: tugh jIghIQ jIH
- Date: Tue, 23 Dec 97 09:41:28 EST
wa'leS tlheD qorDu'wIj. qaStaHvIS loS rep maleng.
"Louisville"-Daq "Christmas Eve" loptaHvIS be'nalwI' tuq wItlhej.
ramjep pa'vo' malengqa' 'ej "Florida" wIghoS.
"Christmas" pov vavwI' loDnI' juHDaq mapaw 'e' wIpIH.
pa' SaHtaH vavwI' SoSwI' je. chaq Such be'nI'wI' qorDu'Daj je.
jaj veb "Orlando"-Daq majaH. pa' qach wIngIppu'.
qachvam luDan wej qorDu'Hom. Do' wej QongmeH pa' ghaj qach.
vutpa' ghaj je. "Sourdough pancakes" vIvut 'e' vIHechbej.
qaStaHvIS Hogh matay'taHvIS maghIQ. "Disney" qo' wISuchbej.
cha'logh pa' ghaHpu' puqloDwI'. Sey ghaH.
Qan be'nI'wI' puqloD. tlhoS wej ben boghpu'.
chaq lughIj 'op much.
ghaytan <qo' mach> parHa'qu' ghaH. :-)
puqbe'Daj Qan law' puqloDDaj Qan puS. wa' ben boghpu' be'Hom.
ghaytan tIvchu'be' be'Hom, vaj tIvchu'be' be'nI'wI'. Do'Ha'.
reH bechruplaw' ghaH, 'ach reH bepqangchu' 'ej reH vInglaHchu'.
nutlhejpu' qorDu'Daj chaq 'e' vIpaychoH. wej jISov.
-- ghunchu'wI'
o o o o o o o o o o o o
o o o o o
o o o o