tlhIngan-Hol Archive: Thu Dec 18 09:52:52 1997
[Date Prev][Date Next][Thread Prev][Thread Next]
Re: BG ru' (Was: Re: KLBC Challenge: similar suffixes)
- From: "William H. Martin" <[email protected]>
- Subject: Re: BG ru' (Was: Re: KLBC Challenge: similar suffixes)
- Date: Thu, 18 Dec 1997 12:51:43 -0500 (EST)
- In-Reply-To: <[email protected]> from "Robyn Stewart" at Dec 17, 97 11:00:06 am
According to Robyn Stewart:
>
> lab charghwI':
> > According to Qov:
> > ..
> > > BTW: I'll be away December 20-30th. I'd appreciate it if any
> > > BG(s) who will be in range of their computers over the holiday
> > > could keep up with the mail.
> >
> > lI'be'choHmo' yInwIj, jISaplaH.
>
> lI'bej yInlIj. yIvup'eghQo'. nIpupbejpu' wanI'mey 'ach wej narghpu'
> qa'lIj, qar'a'? qep'a' loSDIchDaq SengHommeywIj ram vImaqtaHvIS
> bI'Ijchu'taH 'ej qatlho'. jIHvaD jajvetlh bIlI' 'ej bIlI'taH.
> wa'logh latlhvaD bImonDI', wa'logh vay' DaboQDI' lI'bej yInlIj.
> napHa'ba' yInlIj je.
parmaqqoqmo' jIDoghqu'pu'. rop tIqwIj. rIQ qa'wIj. ngabpu'
Qu'qoq vItoy' vIneHbogh. (vItoy'bogh vIneH? vItoy'bogh
vIneHbogh?) DaH Qu' chu' vISuqlaw': juHwIj vIghIHHa'moH. 'ach
ramlaw'. potlh 'e' vIHarlaHbe'. SaHbe' qa'wIj. vaj ghIHtaH
juHwIj 'ej jImogh. jImogh 'ej jIDogh.
vay' vIghor vIneH.
chaq ghIrlI'ghach cha' vIQuj. {{:)>
(De'wI' Quj 'oH ghIrlI'ghach cha'. muQaw'pa' qoqmey nov
vIQaw'nIS 'ej tlhIlHalDaq woj choHwI' vISamnIS 'ej vIQaw'nIS
'ej jorpa' woj choHwI', Hur lojmIt vISamnIS 'ej vI'elnIS pagh
vIQaw'lu'. Qujvam ghov'a' vay?)
chaq *Riven* vIQuj. jISaHbe'. latlh qo' qaq law' qo'vam qaq puS.
> > qaStaHvIS jajmey le' nIteb juHwIjDaq jIratlh. Qu'
> > nIv vIghajbe'.
>
> bIQorgh'eghnIS. potlh Qu'vetlh. charghwI'wI' yIQorghchu'.
...
qaStaHvIS wa' lup chonajmoH. mev'egh tIqwIj. jIqIpqu''eghmeH
ghItwIj vIlo' 'ej jIQubqa'chu'.
jISIQtaH net Sov. qay'be'. jIQuchtaH not 'e' lay' San. jIbep
neH.
> > chaq Sapta' latlh.
>
> wej Sapta'. bItlhIbHa'bejmo' 'ej bISapta'mo' SapnISbe'. jIDachtaHvIS
> taghwI'oypu' tIghIjQo'. :)
You spoil my fun. lu'. vIghIjbe'. vIghIjmeH ngeDqu' Qu' 'e'
vISov. muqaDbe' Qu'vam vaj vIghIjQo'. vIghIjbe'meH qatlh Qu'. batlh
Qu'vetlh vItoy'.
> > Qu'vam neHchugh latlh, qay'be'. Qu'vam vIpoQbe'. jIram.
>
> bIrambe'bej 'e' wISov.
rut loQ jIpotlh, 'ach roD qaStaHvIS Hoch jaj HochvaD jIram.
qorDu'mey qochpu' je lop *QISmaS*. jImob. *QISmaS* vImuSchu'.
*QISmaS* *card* chu' vISam. HurDaq jatlh:
tIqwIj tujmoHmeH wa' QoQ qaq law' Hoch qaq puS: *carolers*
QoQ...
QIn'e' ngaSbogh *card*vam:
... targhmeywIjvo' Haw'taHvIS.
*card*vam vItIvchu'. mumonmoH.
> > charghwI'
>
> Beginners: My friend, and Beginners' Grammarian alumnus charghwI'
> will be performing the duties of Beginners' Grammarian from December
> 20th to 30th. I hope the change in perspective will be useful to
> your learning, and I know the continuity of being able to work on
> your Klingon during the Christmas break will help.
>
> - Qov
In two days, the fun begins.
Mwahahahahaahahahahahaaaaaa....
Ahem!
No.
Just joking.
In two days, I will be honored to serve these pliant minds.
HIvoq.
charghwI'