tlhIngan-Hol Archive: Sun Dec 14 09:12:22 1997
[Date Prev][Date Next][Thread Prev][Thread Next]
Re: Klingon Christmas
[email protected] writes:
>...I would like to recite "T'was the Night Before Christmas" in Klingon...
QI'lop yupma' mung ramvam, 'ej qachDaq jI'Ij.
vIHlaw' chuStaHbogh paghna' ('ach yIHmey vIlIj).
maj, qul retlhDaq paSlogh luHuSmoHta' puq,
tugh Such "Santa Claus" 'e' lutulmo'. loS tuq.
QongtaHvIS Hoch puqpu' tujbej chaH 'ej Quch.
najtaHvIS chaH yabDu'chajDaq mI'law' yuch
toH, nIvnav vItuQtaH 'ej latlh tuQtaH SoS.
maDoy' vaj maQongmeH QongDaqmaj wIghoS.
jIQongbe'. pay' qach Dungvo' chuSqu'choHbej vay'.
QongDaqvo' jISuptaHvIS jIjachqu' chay'?
SIbI' QorwaghDaq jIQam 'ach pagh vIlegh.
pe'vIl 'oH vIpoSmoH 'ej loQ 'oH vIvegh.
'ach Dochmey vIleghbogh vIHarbe'. jIyay'!
SaH DujHom, chorgh Sargh machqu' je 'e' vIlay'.
runqu'chu' 'ej Qanqu'law' DujHom DeghwI' Doj.
'ej "Santa" ghaH nuvvam'e' nom 'e' vItlhoj.
SarghDaj Do tIn law' toQDujmey Do tIn puS.
'ej bIH rI'meH ghaH, bomlaw' 'ej jachqu' 'ej chuS.
'eH DASHER! 'eH DANCER! 'eH PRANCER 'eH VIXEN!
SuH COMET! SuH CUPID! SuH DONDER! SuH BLITZEN!
Su' veH'a' DungDaq jaH! Su' qachHom Dung ghoch!
Su' pa' ghoStaH! pa' ghoStaH! pa' ghoStaH Hoch!
[At this point, your audience will have stopped laughing at the
novelty and will have begun to mutter and squirm in discomfort.]
-- ghunchu'wI'