tlhIngan-Hol Archive: Thu Dec 04 06:17:07 1997
[Date Prev][Date Next][Thread Prev][Thread Next]
Re: Basic Vocabulary
- From: [email protected] (Alan Anderson)
- Subject: Re: Basic Vocabulary
- Date: Thu, 4 Dec 97 08:54:29 EST
bep Qermaq: mu'tay' ghurmoHbe' ghomvam.
jIQochqu'. mu'mey DaghojmeH, bIlaDqu'nIS.
mu'mey law' DalaDlaHbogh nob ghomvam.
mu'mey lI', mu'tlheghmey lI' je DanejlI'chugh, "TKD"-Daq DaSamlaH.
<nuqDaq yuch Dapol> Daqaw'a'? lI'bej je "TKW". Hoch 'ebmey tIjon!
Hoch Damughchugh, ghurbej mu'tay' laHlIj.
'ach QapmeH, loQ QatlhnIS Qu'.
paq'e' yIlo'! mughbogh De'wI' Dalo'chugh, ngeDqu'.
ngeDqu'mo' Qu'qoq, not DaghojnIS.
vaj yIQatlhmoH -- mugh De'wI' 'e' yIwuvQo'!
"MUSH" yIlIjQo' je.
bIqaD'egh DaneHchugh, HeH veng yISuch.
bIDo'chugh, SaH je latlhpu'.
pa' Suja'chuqlaH 'ej SuqeqlaH.
yapbe' mu' tetlh mach. puSbogh mu' potlh vIwuqlaHbe' jIH.
nIteb lI'be' mu'mey. wa' Dol nIvDaq QapmeH tay'nIS.
<jatmey> yISuq 'ej yIlaD. 'oHDaq law' mu'mey lI'.
'ej qepHom yIcher!
SKI: Qermaq (Neal Schermerhorn) complains that this mailing list
doesn't do much for building vocabulary, and though I disagree, I
also suggest a few other resources.
-- ghunchu'wI'