tlhIngan-Hol Archive: Wed Aug 13 15:32:46 1997
[Date Prev][Date Next][Thread Prev][Thread Next]
qay' mu' chu'
- From: Guido <[email protected]>
- Subject: qay' mu' chu'
- Date: Wed, 13 Aug 1997 18:32:43 -0400 (EDT)
Qov jangtaH charghwI':
>yajlaH Hoch vIneH. naDev bImuvDI' ngo'qu' mu'ghomlIj. nom
>mu'ghom cha'DIch DaSuqmeH ngeD Qu'. DaH nom paq chu' SuqmeH
>jatlhwI'pu' law'vaD DuHHa' Qu'. pImqu' ghu'mey.
qechvammo' jInonglaHmo', jImun, 'a 'oDwI' vIDalI'Qo'. 'ovwI' qaq law',
'oDwI' qaq puS, 'e' vImaq.
tay' mu'mey 'e' SeH 'Iv? toH, Qov qeS vIHeQqanglaw', Hol ghojwI' Dup QaQ
'oSmo'. nov Hol HaDtaHvIS, pIj mu' ghojbe'pu'bogh laDnIS vay'; wanI'vam
motlh'e' chaq yajbe' ghot law'. mu' DIpeghlaw' 'e' wIwuqchugh vaj
maghojmoHchu'be'. mu'tay' SeHqu'laH 'Iv jay'? chu'bogh Hoch mu' loH'a'
charghwI' neH? yabDu'Daq pIm Hoch mu'tay'maj. baQa'! yab DIwuvtaHvIS, ghu'
qaq law'; QIptaHghach buDtaHghach joq toDtaHvIS neH mu'ghom qawHaq, ghu' qaq
puS.
law' mu' Halmaj, 'ach yIleS. mu' qub lo'lu'DI', yajbe'wI' tu'lu'chugh,
qaSbe' lot. DIch yIghaj. SuH, loQ Sar je vuDwIj -- mermoHbej mu' qub, 'ej
rut 'oHmo' chenlaH mIS. toH, ghaytan mIS maS ghot puS! {{:-)
>loSpet? loSpet? paq chu'Daq vISam 'ej mu'ghomwIjDaq vISam 'ej
>vItu'laHbe'. latlh mu' chu' Daghaj'a'? loSpet? nuq 'oH
>loSpet'e'?
qech'e' ngachtaHbogh Qov charghwI' je 'angchu' ghItlhHomvam. tlhaQwI' Dalaw'
charghwI', chIch "luSpet" yajbe'taHvIS. De'wI' chamwI' Duj QaQ ghaj
charghwI', 'ach loQ pIm Hol Duj 'e' yIqIm. ghunlu'taHvIS *token*Daq mujchugh
wa' neH DeghHom, vaj Qapbe' mIw. Hoch *token* ghovmeH mu'ghom qawHaq poQ
De'wI'. toH, De'wI' maHbe'. "loSpet" wIlaDchugh, yabmaj QapHa'moHbe' wa'
QaghHom. tIqmo' mu' "loSpet" 'ej 'oH rurmo' mu' puS neH, wIlughmoHlaHba'.
DuH "luSpet" "loSpev" ghap, 'ej latlh mu' tlhejchu'meH DuH qaq wIwIv.
potlhqu'be' mu'tay' ghItlhlu'ta'bogh. vulqangan meq rurnISbe' Hol DIyajmeH
mIw'e'. yab DIghaj 'ej DIch nunob ngoD.
Curtly, a dictionary should play little role in how you use language from
day to day. It doesn't in English. Treating Klingon like Pascal is liable to
get a few people's dander up. I guess the point is to lighten up a bit.
Guido