tlhIngan-Hol Archive: Tue Aug 12 14:15:11 1997
[Date Prev][Date Next][Thread Prev][Thread Next]
Re: veD
- From: "William H. Martin" <[email protected]>
- Subject: Re: veD
- Date: Tue, 12 Aug 1997 17:13:54 -0400 (EDT)
- In-Reply-To: <[email protected]> from "Robyn Stewart" at Aug 12, 97 10:30:45 am
bIlugh. jIQagh. HIvqa' veqlargh!
According to Robyn Stewart:
>
> wejpuH. wej mu'mey DaSovmo' SoH mu'mey lo' latlhpu' 'e' Datuchlaw'!
> ghorgh mu'na' moj mu'chu'? mu' DaleghDI' SoH'e' moj'a'? mu'tay' chu'
> 'ang paq chu' chenmoHta'bogh *Okrand* 'ej mu'tay' chu' vIlo'bej jIH
> jay'. wej paq vIlegh --tugh *Canada*Daq pawjaj. 'ach naDev mu'mey'
> ngaSbogh DellI' latlhpu' 'ej chaH vIvoqqang. ghu'vam DatIvbe'chugh
> vaj SoHvaD jIjatlhQo'.
jIjatlh vIneHDI' jIjatlh. Daj ghu'vam. mu'mey vIghovbe'bogh
yIlo'Qo' qara' 'ej bIbep. bIbepDI' pagh mu' vIlo' DaneH.
bepbogh mu'meylIj qaq law' bepbogh mu'meywIj qaq puS 'e'
DaHar'a'?
> jabbI'IDghomvam vImuvDI' mu'mey' ngaSbogh
> tlhIngan Hol mu'ghom cha'DIch *appendix* vISovbe' jIH. naDev
> mu'mey'e' DaSovbogh SoH Sovbe' nuv law'.
qaSbe'meH ghu'vam mu'mey chu' ghom vIchenmoH. yajlaHmeH Hoch,
jIvumqangbej.
> mu'tay' lughojnIS. DaH
> ghu' chu' yISIQ. mu'mey chu' DaghojnIS SoH. vIghojnIS je jIH.
> jIbep'a'? HISlaH! vIngmo' Sovchu'wI'qoq jIbep.
yajlaH Hoch vIneH. naDev bImuvDI' ngo'qu' mu'ghomlIj. nom
mu'ghom cha'DIch DaSuqmeH ngeD Qu'. DaH nom paq chu' SuqmeH
jatlhwI'pu' law'vaD DuHHa' Qu'. pImqu' ghu'mey.
> DaH ghargh DaDataHvIS loSpetlIjDaq yIratlh Holna' wIjatlhtaHvIS maH.
loSpet? loSpet? paq chu'Daq vISam 'ej mu'ghomwIjDaq vISam 'ej
vItu'laHbe'. latlh mu' chu' Daghaj'a'? loSpet? nuq 'oH
loSpet'e'?
> Ser DalajHa'chugh vaj tlhonlIjDaq mu'ghomjanlIj'e' yIlan 'ej
> bItlhuHtaHvIS nIngejbe' mu'mey chu'.
So, what's the new word for "colorful metaphore"?
> chaq ghamDu'lIjDaq luHlIj luQat
> jaghpu'lI' 'ach mullaw'taHghachlIjmo' wanI' Dayajbe'.
luQat? rut mu' Dalo'DI' taQqu' mIw'lIj. luQat? bIqar. wanI'qoq
DaDellaw'bogh vIyajbe'. Qat = "be popular". luQat?
> <<chejlIjvaD
> jIghoSta'>> jatlhDI' 'aqnaw qengbogh vay''e' vaj chejlIj yInob:
wejpuH. <<vIlo'taH rInbe'!>> jIjatlh. {{:)>
> SoHvaD potlhbe' chejqoq, qar'a'? chaq QIm rur yablIj 'ej mu'mey chu'
> DaghojchoHDI' ghor 'oH. Dat pel'aQ QoghIj je tu'lu'be'jaj jay'!
DayquSDaq yIba' 'ej yIjIr! maDegh DaneHchugh 'ej paghvaD mu'mey
ghoQ DIchuH DaneHchugh vaj jIpIllaH je. 'ej paq chu'
DaSuqlaHbe', qay'be'. jatlhlaH paq ghajbogh nuvmey'e' 'ej paq DaloS.
> - mu'tay' ghojqangbogh Qov'e'
Del'eghnISbe'bogh charghwI'