tlhIngan-Hol Archive: Tue Aug 12 09:59:14 1997
[Date Prev][Date Next][Thread Prev][Thread Next]
Re: veD
- From: "Robyn Stewart" <[email protected]>
- Subject: Re: veD
- Date: Tue, 12 Aug 1997 09:58:18 PST
- Organization: NLK Consultants, Inc.
- Priority: normal
bep charghwI':
> 'ach naDev ngoq mu' bolo'pu'! {ghISDan}, {veD} bIHbe'
> mu'meyna''e'! naDev jatlhwI'vaD majatlh. jabbI'ID'e'
> yajlaHbe'bogh jatlhwI' botam boneHchugh, vaj jabbI'IDghomvamDaq
> yIjatlhQo'.
>
> jabbI'IDghomvamvaD yIjatlh! jabbI'IDghomvamDaq yIjatlhQo'!
>
>According to Robyn Stewart:
>
>> FurryMUCKDaq veD vIghajbe' jIH. ghISDen vIghaj. 'ach Daqvetlh
>> vItIvbe'. qetlh. not vISuch.
wejpuH. wej mu'mey DaSovmo' SoH mu'mey lo' latlhpu' 'e' Datuchlaw'!
ghorgh mu'na' moj mu'chu'? mu' DaleghDI' SoH'e' moj'a'? mu'tay' chu'
'ang paq chu' chenmoHta'bogh *Okrand* 'ej mu'tay' chu' vIlo'bej jIH
jay'. wej paq vIlegh --tugh *Canada*Daq pawjaj. 'ach naDev mu'mey'
ngaSbogh DellI' latlhpu' 'ej chaH vIvoqqang. ghu'vam DatIvbe'chugh
vaj SoHvaD jIjatlhQo'. jabbI'IDghomvam vImuvDI' mu'mey' ngaSbogh
tlhIngan Hol mu'ghom cha'DIch *appendix* vISovbe' jIH. naDev
mu'mey'e' DaSovbogh SoH Sovbe' nuv law'. mu'tay' lughojnIS. DaH
ghu' chu' yISIQ. mu'mey chu' DaghojnIS SoH. vIghojnIS je jIH.
jIbep'a'? HISlaH! vIngmo' Sovchu'wI'qoq jIbep.
DaH ghargh DaDataHvIS loSpetlIjDaq yIratlh Holna' wIjatlhtaHvIS maH.
Ser DalajHa'chugh vaj tlhonlIjDaq mu'ghomjanlIj'e' yIlan 'ej
bItlhuHtaHvIS nIngejbe' mu'mey chu'. chaq ghamDu'lIjDaq luHlIj luQat
jaghpu'lI' 'ach mullaw'taHghachlIjmo' wanI' Dayajbe'. <<chejlIjvaD
jIghoSta'>> jatlhDI' 'aqnaw qengbogh vay''e' vaj chejlIj yInob:
SoHvaD potlhbe' chejqoq, qar'a'? chaq QIm rur yablIj 'ej mu'mey chu'
DaghojchoHDI' ghor 'oH. Dat pel'aQ QoghIj je tu'lu'be'jaj jay'!
SKI: Qov chews out charghwI' and describes some creative activities
he can engage in if he declines to learn the latest new vocabulary.
Qov, incidentally, believes this all the result of a
misunderstanding, not some new degree of depth to charghwI"s stubborn
arrogance, but it wouldn't be Klingon if I turned down an excuse for
a good tirade and some creative cursing. :P
- mu'tay' ghojqangbogh Qov'e'