tlhIngan-Hol Archive: Tue Aug 12 12:43:01 1997
[Date Prev][Date Next][Thread Prev][Thread Next]
Re: veD
According to Alan Anderson:
>
> ja' charghwI':
> >On occasions those who don't speak Klingon suspect we are
> >speaking in codes...
>
> tlhIngan HolvaD Holna' mojmoH nuq? pab potlh law' Hoch potlh puS.
> yapbe'chugh mu'tay', mu' vIngIpqang, 'ach pong neH 'oH "FurryMUCK"'e'.
*context* Hutlhmo' jabbI'IDlIj jImoghpu'. DaH paq chu' vISuqta'
'ej latlhpu' vImoghchoHmoHlaH jIH je!
> >'ach naDev ngoq mu' bolo'pu'! {ghISDan}, {veD} bIHbe'
> >mu'meyna''e'!
>
> http://www.simonsays.com/titles/excerpt.cgi?isbn=0671009958 yInuQ.
nuqjatlh? qatlh *web site* vInuQnIS? muSaHbe'ba' *web site*.
> Qermaq Soqra'tIS je tIyu'. paq chu' yISuq SoH 'ej yIlaD.
lu'.
> chu'bej mu'meyna'vam, 'ach mu'meyna' bIHtaH.
qay'be'.
> jabbI'IDghomvamDaq HochvaD lucha'pu'lu'.
paqvam Suqpa' Hoch, Hoch jabbI'IDvaD mu'meyvam DaQIjbe'chugh
vaj jeSlaHbe' nuvpu' law'. DunuQbe'law' ghu'vam. yItaH.
> ngoq vIlo'be'taH. Hol'e' vIlo'taH.
> mu'qoq bIH <ghISDen>'e' <veD>'e' je 'e' DaHarchugh, pIch Daghaj SoH.
jIghoH 'e' vImev.
> >naDev jatlhwI'vaD majatlh. jabbI'ID'e'
> >yajlaHbe'bogh jatlhwI' botam boneHchugh, vaj jabbI'IDghomvamDaq
> >yIjatlhQo'.
>
> mu'meymaj Dayajbe'law' SoH.
> yajlaHqu'be' motlhwI' 'e' DaQub'a'?
> vay' Dayajbe'chugh, bIwIvnIS: bISaH'a'?
> qetlhlaw'chugh qech, yIqImHa'.
> Dajlaw'chugh qech, DayajmeH yIyu'.
> bIQIjpa', "Contra Dance" vIyajbe'.
> QIjpa' Okrand, <waH> vIyajHa' 'ej <mum> vISovbe'.
> naDev jIQumtaHvIS, qech'e' yajtaHbogh Hoch vIqelnIS'a'? Qo'!
tlhIngan Hol lo'lu'DI' Hoch vIyajmeH pe'vIl jIvumtaH. mu'mey
vIyajlaHbe'bogh lo'lu'DI' jImerqu'. jImoghqu'. 'ach DaH
jIjotqa'. qay'be'. rut bImogh SoH je 'ej bIbep. jImoghDI'
jIbeplaH je.
> >jabbI'IDghomvamvaD yIjatlh! jabbI'IDghomvamDaq yIjatlhQo'!
>
> Hu'tegh HochvaD jIghItlhtaHqu'!
> mu' chu' vIlo'mo', ghaytan 'oH luqawlaH vay'.
bIbepqa'DI' SoHvaD jabbI'IDvam vIqawmoH.
> -- ghunchu'wI'
charghwI'