tlhIngan-Hol Archive: Mon Aug 11 23:32:18 1997
[Date Prev][Date Next][Thread Prev][Thread Next]
Re: veD
ja' charghwI':
>On occasions those who don't speak Klingon suspect we are
>speaking in codes, since obviously Klingon is not a "real"
>langauge (cough, cough). qoHpu'! ngoq neH 'oHbe' tlhIngan
>Hol'e'! Holna' 'oH Holmaj!
tlhIngan HolvaD Holna' mojmoH nuq? pab potlh law' Hoch potlh puS.
yapbe'chugh mu'tay', mu' vIngIpqang, 'ach pong neH 'oH "FurryMUCK"'e'.
>'ach naDev ngoq mu' bolo'pu'! {ghISDan}, {veD} bIHbe'
>mu'meyna''e'!
http://www.simonsays.com/titles/excerpt.cgi?isbn=0671009958 yInuQ.
Qermaq Soqra'tIS je tIyu'. paq chu' yISuq SoH 'ej yIlaD.
chu'bej mu'meyna'vam, 'ach mu'meyna' bIHtaH.
jabbI'IDghomvamDaq HochvaD lucha'pu'lu'.
ngoq vIlo'be'taH. Hol'e' vIlo'taH.
mu'qoq bIH <ghISDen>'e' <veD>'e' je 'e' DaHarchugh, pIch Daghaj SoH.
>naDev jatlhwI'vaD majatlh. jabbI'ID'e'
>yajlaHbe'bogh jatlhwI' botam boneHchugh, vaj jabbI'IDghomvamDaq
>yIjatlhQo'.
mu'meymaj Dayajbe'law' SoH.
yajlaHqu'be' motlhwI' 'e' DaQub'a'?
vay' Dayajbe'chugh, bIwIvnIS: bISaH'a'?
qetlhlaw'chugh qech, yIqImHa'.
Dajlaw'chugh qech, DayajmeH yIyu'.
bIQIjpa', "Contra Dance" vIyajbe'.
QIjpa' Okrand, <waH> vIyajHa' 'ej <mum> vISovbe'.
naDev jIQumtaHvIS, qech'e' yajtaHbogh Hoch vIqelnIS'a'? Qo'!
>jabbI'IDghomvamvaD yIjatlh! jabbI'IDghomvamDaq yIjatlhQo'!
Hu'tegh HochvaD jIghItlhtaHqu'!
mu' chu' vIlo'mo', ghaytan 'oH luqawlaH vay'.
-- ghunchu'wI'