tlhIngan-Hol Archive: Wed Aug 06 09:36:53 1997

Back to archive top level

To this year's listing

• Index by Date
• Index by Thread
• Index by Author

vumwI'qoqpu'

• From: [email protected] (Alan Anderson)
• Subject: vumwI'qoqpu'
• Date: Wed, 6 Aug 97 11:14:07 EST

DaHjaj qep vIghoStaHvIS vumwI'Heypu' vIjuS.
yIQba'pu' rav.  nIjlaw'pu' qach Som.
Dung lulaghlI' vumwI' 'e' lunIDlaw'.
loQ lujlI'.  Dung HeH Qanbogh baS teQlaHbe'law'.
jatlh wa' <chaq tlhabchoH wIluHqu'chugh>.
jIpaS vaj jImejbe'.

tagh qep.  qaS wa' rep.  mev qep.  jImej.
yaHwIjDaq jIcheghtaHvIS vumwI'Heypu' vIjuSqa'.
baS luvIHmoHta'be'.  Dung HeH QantaH.
'ach nIjbogh Daq lumejmeH, retlhDaj Qaw'law'lI'.
ravDaq DI law' tu'lu'.  loQ HewIj bot.
jIpumbe'meH jIyepnIS jIyIttaHvIS.

Qu' lutaghpa', SISchugh, QIt nIj Som.
ghaytan yIQchoH cha' 'uj neH.
DaH SISqa'DI' yIQchoHbej rav naQ.
Som lutI'meH Som luQaw'nISlaw'.  wejpuH.
SengHom luQorghlaHbe'mo' Seng'a' luchennISmoHba'.

-- ghunchu'wI'

• Follow-Ups:
  • Re: vumwI'qoqpu'
    • From: "William H. Martin" <[email protected]>

• Prev by Date: Re: New word from Okrand
• Next by Date: Re: New word from Okrand
• Prev by thread: RE: KLBC : AAF continued
• Next by thread: Re: vumwI'qoqpu'
• Index(es):
  • Date
  • Thread
  • Author

Back to archive top level