tlhIngan-Hol Archive: Thu Apr 10 09:39:11 1997
[Date Prev][Date Next][Thread Prev][Thread Next]
Re: HoghwIj vIDelta'
- From: "William H. Martin" <[email protected]>
- Subject: Re: HoghwIj vIDelta'
- Date: Thu, 10 Apr 1997 12:37:34 -0400 ()
- Priority: NORMAL
On Tue, 8 Apr 1997 19:16:00 -0700 (PDT) DaQtIq
<[email protected]> wrote:
> ghunchu'wI'vaD jang charghwI':
> >not jISawpu'mo' rut jIQuchqu'. 'ach rut jI'IQ je. ram mu'uch
> >pagh. pagh puq vIghaj.
>
> jISawta' 'ej jISawHa'ta'.
'e' vISovpu'be'.
> jImob DaH 'e' vImaS. wa' DoS vIbuSlaH.
reH DoS law' vIbuS. chaq jIDogh 'ach DoS'a' vItu'laHbe' vaj
DoSmey ram vIbuS. jIqeqnIS. chalDujHom vIchenmoH. nagh vItoS.
De'wI' Quj vIQuj. tlhIngan Hol vIjatlh. jI*dance*. jIbom...
> 'a jImobmo' rut jI'It. be'pu' 'IH vItIvbej. mutlhej pIj vIneH 'ej
> mutlhejHa' pIj vIneH.
jIyajchu'.
> puq vIneHbe' vaj ram meqvam.
puq vIpoQbe'. bang vISuqchugh vaj chaq vav vImoj pagh vav
vImojbe'. jISaHbe'. mawuQ bangwI'na' jIH je. 'ach bangwI'na'
tu'lu'law'be'. jISaHbe'. reH jISaHbe'. tlhIngan jIH.
> >> Sut wISay'moH 'e' 'oH Qu' wa'DIch'e'...
> >
> >reH SutwIj vISay'moHnIS.
>
> jIHagh. Huch vIngIpHa'meH, cha' yaHDaq jIvum. Qu' wa'DIch vIta'taHvIS,
> jIghun. Qu' cha'DIch vIta'taHvIS, Sut vISay'moH. Sut wISay'moHtaHvIS,
> mIw QaD wIlo' 'ej mIw yIQ wIlo'. jIHvaD Sutraj yIngeH! vISay'moHmeH qutlh! ;)
maj. 'ach bIHop. choSuch DaneH'a' qoj qaSuch DaneH'a'? SoHvaD
SutwIj vIqeng!
> - DaQtIq
charghwI'