tlhIngan-Hol Archive: Thu Apr 10 13:38:10 1997
[Date Prev][Date Next][Thread Prev][Thread Next]
Re: HoghwIj vIDelta'
jIHvaD jang charghwI':
>> jImob DaH 'e' vImaS. wa' DoS vIbuSlaH.
>
>reH DoS law' vIbuS. chaq jIDogh
bIDoghbej. wa' DoS neH yIbuS net Sov.
>'ach DoS'a' vItu'laHbe' vaj
>DoSmey ram vIbuS. jIqeqnIS. chalDujHom vIchenmoH. nagh vItoS.
>De'wI' Quj vIQuj. tlhIngan Hol vIjatlh. jI*dance*. jIbom...
Qu'lIj quv law' DachavlI' 'ach wa' DoS DaSamnIS. wa' DoS vIbuSlI'.
Qu' chu' vItaghpa', <chay' wo'vaD toy' Qu'vam> 'e' vIqel. wo'vaD
toy'be'chugh vaj vIbuSHa'.
>> puq vIneHbe' vaj ram meqvam.
>
>puq vIpoQbe'. bang vISuqchugh vaj chaq vav vImoj pagh vav
>vImojbe'. jISaHbe'. mawuQ bangwI'na' jIH je. 'ach bangwI'na'
>tu'lu'law'be'. jISaHbe'. reH jISaHbe'. tlhIngan jIH.
tlhIngan maH! 'a SaH tlhIngan. nemmey boghbogh puq'e' SaHbe' tlhIngan.
chaq boghbe'bogh puq'e' SaHbe' tlhIngan. puqna' SaH tlhIngan.
>> jIHagh. Huch vIngIpHa'meH, cha' yaHDaq jIvum. Qu' wa'DIch vIta'taHvIS,
>> jIghun. Qu' cha'DIch vIta'taHvIS, Sut vISay'moH. Sut wISay'moHtaHvIS,
>> mIw QaD wIlo' 'ej mIw yIQ wIlo'. jIHvaD Sutraj yIngeH! vISay'moHmeH
qutlh! ;)
>
>maj. 'ach bIHop. choSuch DaneH'a' qoj qaSuch DaneH'a'? SoHvaD
>SutwIj vIqeng!
HISuch! "May 17th" qaS qepHomwIj. bIjeSchugh choquvmoHbej.
SutlIj yIqeng.
chaq tugh qaSuch. che'wI' molmey vIjonmeH, "Virginia" vIghoSnIS.
"Richmond"Daq "Madison" "Monroe" mollu' 'ej wej molvetlh vISuch.
Hopbe' "Richmond" SoH je, qar'a'?
- DaQtIq