tlhIngan-Hol Archive: Tue Apr 08 14:02:47 1997
[Date Prev][Date Next][Thread Prev][Thread Next]
Re: HoghwIj vIDelta'
- From: "William H. Martin" <[email protected]>
- Subject: Re: HoghwIj vIDelta'
- Date: Tue, 8 Apr 1997 16:55:29 -0400 (EDT)
- In-Reply-To: <[email protected]> from "Alan Anderson" at Apr 8, 97 09:23:33 am
According to Alan Anderson:
>
> [tagh jaj Qav]
>
> va yabwIjvo' ngabchoHlaw' wanI' vIqawlaHbogh.
bIqanchoHlaw', jupwI'!
> mavemba', 'ej tepmaj wItay'qa'moHba'.
> 'ach chay' Dujyotlh wIghoS? loQ vIlIjpu'.
> lupwI'Hommaj ru' vIcheghmoHnISba'.
DacheghmoHnISba'be'. DacheghnISmoHlaw'. {{:)>
> toH, jIqawchoH.
maj. loQ jIHvaD wejmorgh DarurmoHpu'.
> mepqachvo' matlheDruptaHvIS, jIboHtaH.
mepqach 'oH nuq'e'? mepqach ghorlu'meH, ngeDqu' Qu', qar'a'?
> QIt vIH be'nalwI' 'ej paSchoH rep.
> vImoDmoH 'e' vInID 'ach jIQapbe'.
> pe'vIl jIloSnIS neH.
qatlh pe'vIl loSlu'? vay' DaQaw'a'?
> 'ach jIloSbej 'ej tugh tlheDrup rIntaH.
not jISawpu'mo' rut jIQuchqu'. 'ach rut jI'IQ je. ram mu'uch
pagh. pagh puq vIghaj.
> mamejDI' Seng wIghom -- HeDaq mavIHlaHbe'taH.
> poStaH bIQtIq juSbogh He'e'.
Do'Ha'.
> jaH bIQDuj jen 'e' chaw'beH He.
jIyajchu'be'.
> vIHbe'taH Hoch.
> maloStaHvIS, paSchoHtaH rep.
> He botHa'DI' bIQDuj 'ej SoQqa'DI' He, mavIHlaH.
DaH jIyajchu'! HIja'! qay'bej ghu'vetlh.
> nom jIchIj. maloStaHvIS He vIHaDta' vaj jIjeQ.
Do'Ha'...
> lupwI'Hom vIngIpHa' 'ej Dujyotlh ghoSmeH lupwI'na' wIloSqa'.
> loQ rejmorgh vImoj.
> tlheDpa' Dujmaj wItIj'a'?
> 'ach jIjotHa'nISbe'.
> yap poH.
> pawpa' Duj lojmIt wISIchbej.
DeSDu' tInqu' boghajlaw'. pawpa' chay' boSIchlaH? chaq mevpa'
boSIchlaH, 'ach pawpa' boSIchlaH'a'?
> jIjotchoH. QaQ ghu'.
>
> wItIjDI', rarchuqbogh cha' quS DInej.
> SIbI' DISam -- Duj raQpo' 'ay' 'etna'Daq bIHtaH, 'ej Duj 'o' lubej.
> loQ qIvDu'maj Hot latlhpu' qIvDu', 'ach lanbe'mo' quSmey qay'be'.
> chungtaHvIS Duj wImerlu' -- 'etmajDaq wIyuvlu', 'ej nubot pagh.
qaSDI' ghu'DI' merlu'bej.
> le'be' leng.
> Qong be'nalwI'.
> jIlaD.
chIj 'Iv?
> "Indiana"-Daq mapaw.
> Duj 'etna'Daq maH vaj tIjHa'wI'pu' wa'DIch maH.
wa'DIch maH? taQqu'.
> Dujyotlhvo' nulup 'e' lay' be'nalwI' SoS.
> tepmaj vISamtaHvIS, SoSDaj nej be'nalwI'.
> quq Qapmeymaj.
> SoS juH wIghoS.
> be'nI'wI' wIrI' 'e' wInID 'ach latlhvaD Qumlaw'taH.
>
> maleS. wIrI' 'e' wInIDqa' 'ach malujqa'.
> wa'maH chorgh vatlh rep 'uQ wISoptaHvIS, nurI' be'nI'.
> QeHlaw' ghaH. <qatlh wej naDev tlhIHtaH jay'?> bep.
> wa'maH jav vatlh rep paw Duj 'e' luSovmo' ghaH be'nalDaj je,
lu-? luSovmo' ghaH be'nalDaj je?
> 'ej Dujyotlh vengvo' juHmaj vengDaq lengmeH 'ut wa' rep,
> wa'maH Soch vatlh rep puqloDma' wItlhapta' 'e' lupIH.
> 'ach not nabna' wIcherta' maH.
>
> nom 'uQ wIrInmoH 'ej majaH.
> tugh puqloD 'aHDaj je wISuq.
> juHmajDaq wIchegh.
> maghIQ rIntaH.
> yIn motlh wISIQchoH.
jIghIQ vIneH.
> Sut wISay'moH 'e' 'oH Qu' wa'DIch'e'...
reH SutwIj vISay'moHnIS.
> -- ghunchu'wI'
>
>