tlhIngan-Hol Archive: Tue Apr 01 12:56:22 1997
[Date Prev][Date Next][Thread Prev][Thread Next]
HoghwIj vIDeltaH
- From: [email protected] (Alan Anderson)
- Subject: HoghwIj vIDeltaH
- Date: Tue, 1 Apr 97 14:57:15 EST
["Bahamas"-Daq maHtaH]
SuyDaqDaq mayItqa'.
qumwI' wuqmeH vumwI' cha' rep tlhab nobnIS pIn.
yupma'qoqmo' Suy puS tu'lu'.
megh wISop.
loQ Daj "conch" wIDajbogh, 'ach 'oH vISopqa' 'e' vInabbe'.
qaSlaw' DungluQ 'ach 'engmeymo' wItoblaHbe'.
tugh maDoy'choH 'ej maleS wIneH.
bIQ tujDaq maba'qa'.
wa'maH loS vatlh rep bIQDujvo' pawpu'bogh latlh DIghom.
qabmo' lengchaj Quchbe'.
gheghmo' bIQ'a' ropchoHpu' raQpo' law'.
ropqu'taH ghot puS.
po leng tIvlaw' pagh, 'ej pawpu' 'e' tIvlaw' pagh SIStaHmo'.
HIq neH ghot puS, 'ach moghqu' neHwI'pu'.
tlhutlhlaHpa' loSnIS Hoch.
qaStaH "Friday".
ja'chuqta' chIrgh loHwI' be'nalwI' je.
"Shabbat" tay wIlopmeH chIrghDaq majaH.
lupwI'qoq wIlIgh -- machqu' 'ej loQ He'So'.
choS chIrghDaq mapaw.
"Luis De Torres Synagogue" 'oH chIrgh pong'e'.
Hujlaw' pongvam, 'ej tugh mungDaj wIghoj:
"Jew" ghaH wa' "Columbus" beq'e'.
"Bahamas"-Daq "Jew" wa'DIch ghaH, 'ej pongDaj 'oH.
mach ghom, 'ach QaQ tay.
rInDI' ja'chuq Hoch.
pa'majDaq nucheghmoH 'e' chup nuv quv.
<jIlajneS> vIQub.
chupta'ghach wIlaj 'ej wItlho'.
maQongpa' bIQ tuj wItIvqa' wIneH.
'eng lutu'lu'laH 'ach SISbe'choHpu'.
mev SuS 'ej jotchoHlaw' muD.
ghaytan 'IHqa' wa'leS.
[ratlh wej jaj]
-- ghunchu'wI'