tlhIngan-Hol Archive: Fri Nov 22 22:43:25 1996
[Date Prev][Date Next][Thread Prev][Thread Next]
Re: Star Trek: qep wa'DIch (no spoilers)
- From: [email protected] (Alan Anderson)
- Subject: Re: Star Trek: qep wa'DIch (no spoilers)
- Date: Fri, 22 Nov 96 13:16:57 EST
ja'pu' Qov:
>loQ Star Trek qun choH lut. DaH tera'ngan ghaHlaw' *Zephram Cochrane*'e'
qun DaSovbogh SIghba' lut DalaDbogh.
cha' ngoDna' wISov:
pIvghor 'ogh "Zephram Cochrane" 'ej "Alpha Centauri" ngan ghaH.
"Star Trek"-vaD teH ngoDmeyvam neH; ngermey neH bIH latlhmey.
pIvghor qun lumuchtaHvIS, Qochbej "Space Flight Chronology" ngo'
"Star Trek Encyclopedia" chu' je.
wa' qunHey 'ang "Space Flight Chronology":
"Alpha Centauri"-Daq lengDI' Humanpu', gho'Do lulo'taHvIS, "Cochrane"
luqIH. Humanpu' rur "Alpha Centauri" Segh 'ach loQ pIm nItlhDu'.
valqu' "Cochrane" 'ej pIvghor nger 'oghlI'.
latlh lu'ang "Star Trek Encyclopedia" "TNG Technical Manual" je:
tera'vo' mej "Cochrane" beqDaj je 'ej "Alpha Centauri"-Daq leng.
nom lengmeH chaH, pIvghorHey 'Itlhbe' lo'.
pa' pIvghorna' lu'ogh 'e' lurInmoH.
"Alpha Centauri" nganpu' moj, 'ach Humanpu' chaHtaH.
mejpa', tera'nganpu' chaHbej.
cha' qunqoq vIqaw. chaq latlh 'ang <qep wa'DIch>. wej vIleghta'.
-- ghunchu'wI'