tlhIngan-Hol Archive: Tue Nov 12 11:28:11 1996
[Date Prev][Date Next][Thread Prev][Thread Next]
jIqeqnIStaH
- From: [email protected] (Alan Anderson)
- Subject: jIqeqnIStaH
- Date: Tue, 12 Nov 96 12:14:59 EST
DaHjaj jIvum vIneHbe'. HurDaq Dunqu' jaj!
jej bIr muD.
wovqu' chal Huv.
muHujlaw' pem Hov 'otlh.
jIqettaH vIneH!
'ach Qu' Dal vIta'lI'.
SuchwI'pu' vIloSlI'.
chenmeH luch chu' cheboQrup.
DaHjaj maja'chuqmeH neH maghomchuq.
SeHlaw'Hey lughunpu'bogh wIqelnIS.
chaq luchvaD lI' janchaj.
maHvaD lI'chu'be'chugh, choHlaH'a' 'oH?
vaj DIghom 'ej DIyu' 'e' wInab.
loQ nujang 'e' vIpIH...vaj DIghomnISqa'...Dal...
jIvalba'. jIghunlaHchu'.
jIghuntaHvIS jIQuchqu'.
qatlh Qu' Dal vISIQnIS?
raghlI' yabwIj...
-- ghunchu'wI'