tlhIngan-Hol Archive: Mon May 06 14:28:20 1996
[Date Prev][Date Next][Thread Prev][Thread Next]
Re: tugh muSuch jup chu'
- From: Alan Anderson <[email protected]>
- Subject: Re: tugh muSuch jup chu'
- Date: Mon, 6 May 96 15:19:06 EST
Saturday "T-ball" Qujpu'DI' puqloDwI', jupDaj qoSmeH tlheD ghaH.
juHwIjDaq machegh trI'Qal be'nalwI' jIH je. megh wISop. 'oH
wItlhutlh je -- "vegetable soup" jablu'. <tI bIQ> ja' trI'Qal, 'ej
jIHagh. "Grass soup" rurlaw' vIja'. <naH bIQSoj> vIchup.
maSopta'DI' paw be'nalwI' jup. vavwI'vaD "circuit boards" laghHa'taH.
trI'QalvaD pat luchenmoHbogh vIQIjmeH tlhIngan Hol vIlo' 'e' vInID.
muyu'taH 'ej vIQIjtaH. loQ maQap. mu' puS DImughlaHbe', 'ach qech
vIDellaH. Do'Ha' QIt ghoghwIj vIchIllI'. jaj puS 'oy' HughwIj, 'ej
leSnISlaw', 'ach vIqImHa'. (qab qech -- DaHjaj vIjatlhlaHbe'chu'.)
De'wI'wIj lo' trI'Qal. "trekmuse"Daq jupDajvaD mamugh. vengwIj
"Kokomo" ngan 'oH je jupDaj latlh 'e' tu' trI'Qal. numer De'vam.
<mach qo'> wIjatlh maH. 'ach juHDaq SaHbe'law'mo' ghaH QumlaHbe'.
'uQ wISop. Sojmo' bepHa' trI'Qal. Quch Hoch. QaQ jaj.
Degh vIchenmoHpu': <jup yIjatlh 'ej yI'el> ja'. (ghov 'Iv?)
chaq latlh vIchenmoH: <naDev tlhIngan Hol jatlhlu'>.
Saturday ram SoSnI'Daj juHDaq puqloDwI' vIqem 'ej "Damon's" wIghoS.
pa' Quj Daj tu'lu'. HaStaDaq nargh ngoDmey ram Sovlu' 'e' luDajbogh
mu'mey'e'. jangmeH SeHlawchajDaq mI' luwIv reHwI'. nom mI' lugh
wIvlu'chugh, Dubqu' Dotlh. QIt mI' lugh wIvlu'chugh, loQ Dub Dotlh.
mI' muj wIvlu'chugh, 'argh Dotlh. Qujvam lutIvqu' nuv law'. rInmeH
wa' Quj, cha'maH vaghlogh jangnISlu'. wejlogh maQuj, 'ej Quj wejDIch
Qapta' trI'Qal! batlh Qujta', 'ej HaSta nargh pongDaj!
chol ramjep. puqloD wISuqmeH vavwI' SoSwI' juH wIghoSqa'. Qong ghaH.
reH chuSqu' tlhuHDaj QongtaHvIS. DujDaq ghaH vIqengtaHvIS QongtaH.
Dujvo' juHwIjDaq ghaH vIqengtaHvIS QongtaH. QongDaqDajDaq ghaH
vIlantaHvIS QongtaH. Qongchu'taH. nI'bejpu' jaj 'ej Doy' Hoch.
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group