tlhIngan-Hol Archive: Sat Mar 02 19:01:20 1996

Back to archive top level

To this year's listing



[Date Prev][Date Next][Thread Prev][Thread Next]

tlhIngan vIDaqu'ta'



wa'Hu' "Purim" wIlop lalDanghomwI'.  le' wanI' mejlI'mo' wa' qorDu'.
"Austin"Daq vav QaylI' malja'Daj.
reH qaSDI' "Purim" lut wImuch, 'ach qorDu'vammo' pImqu' lutmaj.

be'nal chu' poQ che'wI' ja' lut motlh.
mejbogh qorDu' cho'meH qorDu' chu' nej che'wI' ja' lutmaj motlhbe'.

potlh mejlI'bogh qorDu'.
Huch wISuqmeH QaHqu' vav.  "Hebrew" ghojwI' boQ.  qachmaj leH'laH je.
vut SoS.  Huch wISuqmeH QaHqu' ghaH je.
yuch law' wIngevmeH "fundraiser"'e' che'chu'.
"dance"laH puqbe'.  ghaH wIbej reH 'e' wItIv.
"judo" qeq puqloD.  (mej ghaH 'e' leghvIp pagh.  yIntagh ghaH.)

vaj luwIvlu'meH ta' pon qorDu'pu' Sar.
jatlh "Beverly Hillbillies"Hey "Coneheads"Hey "Addams Family"Hey je.
lut ghItlhpu'mo' SoSwI' 'ej tlhIngan Hol vIjatlhlaH 'e' Sovmo' ghaH
jatlh tlhIngan'e' je.  vaj SoQ vIghItlh 'ej QuchHey vIchenmoH.
SoQ vImuchtaHvIS tlhIngan Hol vIlo' 'ej mughlaw' be'nalwI'.
tIvqu' Hoch.  vItIv jIH je.  Doghqu' QuchHeywIj 'ach jaq ghoghwIj.

tlha' SoQwIj.
(qorDu' pong 'oH "Pudnos".  "Entertainment books" vImughmeH
<tIvmoHghach paqmey> vIja'.  Huch wISuqmeH paqmeyvam DIngev.)
--------
qorDu' "Pudnos" tammeH ghovDu' bonejlI' 'e' vIQoy.
SaQaHlaH 'e' vIHar.
tonSawqoqra' vIleghpu'.
wejpuH.
vavnI'wI' rIgh borur SuHIvtaHvIS, tera'nganpu'.
SujeQqu'nIS!
batlh SuHIv boneHchugh SungotlhnIS!
tlhIHvaD tonSaw'na' vIcha'laH.
tlhIngan Hol ghojmoHwI' jIH.
*'IvrIt ghojmoHmeH mIw'e' chay' Qatlh?
rur'eghlaw' QIchmey.
<H> lujatlhDI' nujvo' bIQ tlhuchmeH mIw lughoj puqpu' 'e' vIboQlaH.
tlhIHvaD tIvmoHghach paqmey ngevqangbogh verengan vISov je.
Dun Suy - DebnganvaD quHvaj ngevlaH.
tlhIHvaD jIvut 'e' vInIDvIp.
Soj vImeQpu'bogh vISoplaHbe'.
Doghqu'law' ta'vetlh.
tlhol Ha'DIbaH 'e' lumaS tlhInganpu'.
'ach yIH'e' Dechbogh yuch chenmoHmeH mIw QaQ vIghajbej.
DaH rIntaH SoQwI'.
--------

-- ghunchu'wI'               batlh Suvchugh vaj batlh SovchoH vaj




Back to archive top level