tlhIngan-Hol Archive: Mon Jul 29 22:03:28 1996
[Date Prev][Date Next][Thread Prev][Thread Next]
qep'a' lutHomwIj cha'DIch
- From: [email protected]
- Subject: qep'a' lutHomwIj cha'DIch
- Date: Tue, 30 Jul 1996 01:05:31 -0400
ram lutvam, 'ach jIQonglaHbe'. 'ej DIvI' Hol jatlhwI'vaD vImughQo'!
tlhIngan Hol yIghoj.
lutvam SovtaH ghunchu'wI'. wanI'vam legh.
qaStaHvIS qep'a' *Cabaret*, tIv'eghtaH Hoch. bom jeSwI' puS. lut tlhaQ ja'
jeSwI' puS. lut tlhaQ vIja' jIH je.
'ach pa' tlhIngan Hol jatlhbe' Hoch. 'ej wa' tlhIngan Hol jatlhlaHbe'bogh
ghot'e' vIleghlaH: ghunchu'wI' puqloD. pongDaj vIqawbe' (ghunchu'wI'?) vaj
<puq> vIjatlh.
jeSwI' yajbe' ghunchu'wI' puqloD vaj leSHa'choH. munuQbe', 'ach ghaHvaD
Dalbej wanI'vam. tamtaHvIS, vay' ta' puq 'e' nIDtaH SoSDaj, 'ach puqvaD Daj
pagh.
ben law' Quj vIghojbogh vIqaw. ghItlhwI' vISam 'ej jIjatlh <yIqIm> (DIvI'
Hol vIjatlhba'). ghItlhwI' vI'ang. vI'uchtaHvIS, ghopDu'wIj DungDaq 'oHtaH.
*thumb*Du'wIj bIngDaq 'oHtaH. vIja' <ghItlhwI' Dalegh'a'? SoHvaD Qu' Qatlh
vInob. ghItlhwI' yItlhap, 'ej Da'uchtaHvIS, ghopDu'wIj rurnIS ghopDu'lIj.>
DaH ghItlhwI' vIvIH. vI'uchtaH, 'ach DaH ghopDu'wIj bIngDaq 'oHtaH.
nItlhDu'wIj bIngDaq *thumb*Du'wIj DungDaq je 'oHtaH. jIjatlh <DaH ghItlhwI'
yIvIHmoH. ghopDu'wIj rurnISqa' ghopDu'lIj. 'ach **reH ghItlhwI' 'uchnIS
ghopDu'lIj**! not ghop yIpoSmoH!>
Qu'Homvam nID puq, 'ach ta'laHbe'. vaj mIw'e' vI'ang. 'ach nom vI'ang. nom
ghopDu'wIj vIvIHmoH vaj ngeDqu'be'taH Qu'Hom.
QuchchoH ghunchu'wI' puqloD. mIw Sovbe' 'ej ghojlI' 'e' nID. tamchoH 'ej
QuchchoH.
tugh mIw Sovbe'mo' ghaH vIvup, 'ej QIt mIw vI'ang. ghopDu'Daj vI'uch
ghItlhwI' 'uchtaHvIS. tugh ta'laH!
Qu'Hom cha'DIch vI'ang. ghopDu'wIj nItlhDu'wIj vIbaghqu' 'ej ghIchwIj vIHot.
ghopDu'wIj vIpoSmoH ghIchwIj vIHottaHvIS. Qu'Homvam ta' 'e' nID puq, 'ach
mubej latlhpu'. Qu'Hom luta' 'e' lunID je. ta'laH ghotpu' puS. Dajlaw'qu'
Qu'HommeywIj!
puqvaD ghop Qu'Hom 'ang charghwI' je, 'ach valqu' ghunchu'wI' puqloD. SIbI'
ta'.
lutHom yaj'a' Hoch? tlhIngan Hol vIjatlhtaHvIS, qechmey Qatlh vIQIjtaH, 'ej
chaq jIjatlhchu'be'. bIyajbe'chugh vaj HIja'!
SuStel
Stardate 96578.2