tlhIngan-Hol Archive: Mon Jan 01 13:59:57 1996
[Date Prev][Date Next][Thread Prev][Thread Next]
maDub
- From: "William H. Martin" <[email protected]>
- Subject: maDub
- Date: Mon, 1 Jan 1996 16:59:53 -0500 (EST)
qaStaHvIS DISmey Dubbe'law'mo' tlhIngan Hol jatlhwI'pu' law'
rut ghuy'Do wa' vIDa 'ej jImoghchoH. qatlh Dubbej wa' 'ej
Dubbe'law' latlh? jIQub.
yInmeychaj Del DubwI'pu'. bommey mugh Dubbe'wI'pu'. qechmeychaj
Del DubwI'pu'. *poems* chenmoH Dubbe'wI'pu'. latlhpu'vaD Del
DubwI'pu' qoj ja' 'e' nIDtaH DubwI'pu'. Dubbe'wI'pu'vaD mugh
Dubbe'wI'pu' qoj mu'tlhegh chenmoH 'e' nIDtaH Dubbe'wI'pu'.
toH! DaH qaSnISchoH nuq? chay' DublaH Dubbe'wI'pu'?
mu'tlheghmey tIchenmoHQo' neH! qechmeyraj tIDel neH. Sujatlh
boneHchugh vaj qechmey boDelqangbogh boghajnIS. yapbe' latlhpu'
mu'mey bomughbogh. yapbe' mu'ghom le' De'wI' le' je. wo'raj
boDelnIS!
wo'raj boDellaHDI' thlIngan Hol bolo'chu'. ghomvamDaq wo'chaj
luDeltaH tlhIngan Hol jatlhwI'pu' law'. QaQqu' ghu'vam, 'ach
DubnIS je latlhpu'.
HochvaD:
SuDub DaneHchugh vaj qechmeyraj boDelnIS.
ghuy'DovaD:
chaq qechmeylIj mach DaDelqang'a'? {{:)>
charghwI'
--
\___
o_/ \
<\__,\
"> | Get a grip.
` |