tlhIngan-Hol Archive: Thu Dec 26 20:11:50 1996
[Date Prev][Date Next][Thread Prev][Thread Next]
RE: 'etlhmey
- From: [email protected] (Alan Anderson)
- Subject: RE: 'etlhmey
- Date: Thu, 26 Dec 1996 23:12:26 -0500
jItlhobpu':
>jItlhobqa': qatlh mu'vam Dalo'?
>qechvamvaD 'ogh 'Iv?
jang HetaQ:
>mu'meylIj vIyajchu' 'ach choyu'meH meqlIj vIyajbe'law'
>DIp mojaQ <-Du> vIlo'meH Datlhob'a'
ghobe'. mojaq vIyaj.
>bItlhob'a': qatlh jabbI'IDDaq wa'Dich <Hurgh> vIlo'
HIja'. qatlh <Hurgh> Dalo'?
>yImughmeH lo'bejpu' yablIj Hoch
>DaH yIqaw
qechvamvaD mu'vam lo'lu' not 'e' vIQoypu'.
taQqu'mo' lo'vam ghaytan DaH vIqawchoH.
DIvI' Hol nuDlu'taHvIS Dochvam lu'oslaw'bogh mu'mey law' lutu'lu'.
Hoch mu'meyvam vISovbe'bej!
chaq wa'logh "pickle" vIQoy Dochvam Hechlu'taHvIS...
wa'maH chorgh ben bom tIQ vIQoytaH 'ej ja'lu' <HurghwIj yI'uchHa'>.
jI'IjtaHvIS vIyajbe'. DaH chaq vIyaj, 'ach pIch vIghajbe'taH.
<HurghDu'> vIlaDDI' qech vISImlaH.
puSqu' Hurgh lururlaHbogh porgh 'ay'mey'e'...
pongna' ghajbej nItlh. chuv nuq? wa' Doch neH vIqelnIS.
'ach mu'vam lo'choH 'Iv?
Hujbej lo'vam.
jItlhobqa'qu': qatlh mu'vam Dalo' SoH?
-- ghunchu'wI'