nach ghajnISqu''a' *relative clause*? (was: Re: chegh Qov)

[Robyn Stewart <qov@direct.ca>]

batlh QaghwIj tu' ~mark:
}>qep'a' boDelmeH tlhIngan Hol bolo'taHvIS bep latlhpu'mo' jIHagh.  jabbI'ID
}
}"bepmo' latlhpu'" Daja' DaneH, qar'a'?

vIHechba'.  DopDaq qul yIchenmoH QobDI' ghu'.

DaH Satlhab vIneH:

bom vIqonchugh qechvam bolaj'a': {wot wotbogh}. *stative verb* 'oH wot
cha'DIch'e'.

mutlheghmeyvam tIqel:

   vIqon                vImugh
'IH Doqbogh.         [What is] red is beautiful.
qubbej Dunbogh.      The wonderful is rare indeed.
potlh vIttaHbogh     What continues to be true is important.
chol mIghbogh        Evil draws near.
vIHajbogh vIqaDnIS   I must challenge what I dread.

pIj qechvam vIja'meH DIp vISamlaH:{potlh vIt}.  pIj <Doch> <wanI'> <vay'>
ghap vIchellaH: {qubbej Dochmey Dun} {chol vay' mIgh}. rut -ghach (-ghach'e'
Hajlu'bogh!) vIlo'laH:  {potlh vIttaHghach}. chaq reH qechvam vIjunmeH
vIqonqa'laH. 

motlh nach Hutlhbogh *relative clause*'e' lajlu'Qo' 'e' vISov.  jIQochbe'.
'ach bomvaD jaS vIqon vIneHchugh bolaj'a'?

SKI (Summary for the Klingon-Impaired): Qov bids to restore lost honour,
then asks if a headless relative clause might be accepted under poetic licence. 

---
Robyn Stewart
Qov@direct.ca  --- Qovpatlh!?  lagh 'oH Qov patlh'e'.
NEW EMAIL ADDRESS---PLEASE NOTE, AND USE THIS ONE NOW.