tlhIngan-Hol Archive: Fri Aug 02 05:27:32 1996
[Date Prev][Date Next][Thread Prev][Thread Next]
wa'Hu' choS
- From: DaQtIq <[email protected]>
- Subject: wa'Hu' choS
- Date: Fri, 2 Aug 1996 08:28:05 -0400
peqIm!
ngemDaq juHwIj tu'lu'. Sumchuq juHwIj ngeng je. jIvumpu'DI' ngeng vISuch.
qaSlI' choS 'ej 'engmey 'ughmo' wewlaw' chal. mutlhejchugh bangwI',
qabDaj vIleghlaHchu', 'a jImob.
pagh vIbuSmeH ngeng vIghoS. yavvo' HoS vISuqmeH jIyIttaHvIS waqmey
vItuQbe'. ngengDaq jIQamtaHvIS munuQ ghew law'. vIqImHa' 'e' vInID.
pay' chalDaq *bat*mey vIlegh.
tlhInganpu'vaD *bat*mey vIDel. mach Ha'DIbaHmeyvam 'ej puvlaH. tera'Daq
puvlaH mut law' 'ach le' *bat*mey. boghDI' wej yIn puvbogh HochHom mut.
boghDI' yIn *bat*mey neH.
puvtaHvIS *bat* puS vIbej. munuQbogh ghewmey wam *bat*mey. nom puv 'ej
nom chIch tlhe'laH. Doj! HIvDujmey machqu' rur. tuHchaj vItIv.
qamDu'wIj chop ghewmey 'ej ghewmey Sop *bat*mey. munuQmo' ghewmey vInuQ
je vaj bIQDaq jIQamchoH. loQ jImon. leS qamDu'wIj. bIrbe' bIQ. tun yav
yIQ. bel yaDDu'wIj.
jot ram. tam. nIteb ngengDaq jIQam 'ej jIQuch.
- DaQtIq