tlhIngan-Hol Archive: Sun Aug 18 17:20:04 1996
[Date Prev][Date Next][Thread Prev][Thread Next]
Re: wa'Hu' choS
On Fri, 2 Aug 1996, DaQtIq wrote
> peqIm!
>
> ngemDaq juHwIj tu'lu'. Sumchuq juHwIj ngeng je.
cha'logh wa' ghu' DaDel, qar'a'?
> jIvumpu'DI' ngeng vISuch.
> qaSlI' choS 'ej 'engmey 'ughmo' wewlaw' chal. mutlhejchugh bangwI',
> qabDaj vIleghlaHchu', 'a jImob.
reH *Romantic* SoH.
> pagh vIbuSmeH ngeng vIghoS. yavvo' HoS vISuqmeH jIyIttaHvIS waqmey
> vItuQbe'. ngengDaq jIQamtaHvIS munuQ ghew law'. vIqImHa' 'e' vInID.
> pay' chalDaq *bat*mey vIlegh.
*bat*mey vIparHa'qu'. loSHu' ram juHwIj DungDaq Soch *bat*mey vIlegh.
ghewmeywIj yISop vIra'. juHwIj yIHub!
> tlhInganpu'vaD *bat*mey vIDel. mach Ha'DIbaHmeyvam 'ej puvlaH. tera'Daq
> puvlaH mut law' 'ach le' *bat*mey. boghDI' wej yIn puvbogh HochHom mut.
> boghDI' yIn *bat*mey neH.
boghDI' puvlaHbogh latlhmey, bIH ngaS Hur let. pa' loSlI' bIH. yInlaw'
neH. loQ Hurvam let tujmoHlI' SoS. Hur letvo' boghqa' puvwI'. vaj yInbej.
'ach loSbe' *batmey*. boghDI' yInbej!
> puvtaHvIS *bat* puS vIbej. munuQbogh ghewmey wam *bat*mey. nom puv 'ej
> nom chIch tlhe'laH. Doj! HIvDujmey machqu' rur. tuHchaj vItIv.
HIja'! chal SuvwI'mey bIH.
> qamDu'wIj chop ghewmey 'ej ghewmey Sop *bat*mey. munuQmo' ghewmey vInuQ
> je vaj bIQDaq jIQamchoH. loQ jImon. leS qamDu'wIj. bIrbe' bIQ. tun yav
> yIQ. bel yaDDu'wIj.
>
> jot ram. tam. nIteb ngengDaq jIQam 'ej jIQuch.
maj.
> - DaQtIq
charghwI'