tlhIngan-Hol Archive: Sat Oct 21 06:24:43 1995
[Date Prev][Date Next][Thread Prev][Thread Next]
Re: nIteb maghIQ
According to [email protected]:
>
> vengHomDaq maleng. wa'maH vaghvatlh wejmaH rep puchpa' HurDaq
> be'nalwI' vIloStaHvIS (net tera'Daq be'vaD puchmey yap tu'lu'
> jay') muqIm Human be'. wepDaq yoDHom vItuQ; DIvI' Hol
> lo'lu'taHvIS yoDHomDaq "Qatpa' tlhInganpu' tlhIngan jIH"
> ghItlhlu'pu'.* laDDI' Hagh 'ej muja' "loDnalwI'vaD Dochvetlh
> vIleghmoHnIS." maja'chuq 'e' wItagh.
cha'logh jIQubpa' qayajHa'pu'. yoDHom DaDelDI' Doch pImqu'
vIpIH. be' chu' DaqIH 'ej WepDaq (chaq *pocket*Daq?) yoDHom
Daghaj. tugh DaSeng 'e' vIpIH.
toH! DeghHom Daghaj! DaH qayajchu'! potlhqu'laH mu' DawIvbogh.
> qaSDI' wa'maH tup nughoS loDnalDaj. yoDmoHwIj laDDI' Hagh je 'ej
> jIHvaD tlhaqDaj leghmoH. 'oHDaq 'oH 'ejyo' Degh: 'ejyo' mang
> ghaH! vIHoHnISlaw' 'ach batlh vIHoHbe'nIS, rojHommabHey
> wIcherpu'mo' jIH be'nalDaj je. Do'Ha'.
qatlh juplIj loDnal ghaHmo' juplIj choH jaghlIj? qatlh jaghlIj
be'nal ghaHmo' jaghlIj choHbe' juplIj? qaStaHvIS DISmey law'
tera'Daq SoHtaHmo' bItunchoHpu''a'?
cha' jup chu' DaSuq 'e' DawIv. cha' jagh chu' DaHoH 'e'
DawIvbe'. Do'Ha'.
'ach nIteb wIvnIS Hoch.
> - tlhIngan veQbeq la'Hom marqem
> Heghbej ghIHmoHwI'pu'!
charghwI'
--
\___
o_/ \
<\__,\
"> | Get a grip.
` |