tlhIngan-Hol Archive: Fri Oct 20 10:12:13 1995
[Date Prev][Date Next][Thread Prev][Thread Next]
nIteb maghIQ
SochHu' maghIQpu' jIH be'nalwI' je. wa'maH Hutben boghDI' puqma'
wa'DIch, maghIQmo' juH matlheDtaHvIS reH nutlhej puq, 'a pIm
wanI'vam. DuSaQvaD ghaHtaH puq wa'e', *New_York*vaD
lalDanDuSaQDaj tlhej puq cha''e', 'ej vavDaj tlhej puqqoqma'.
wanI'vammo' manabpu', 'ej *Cape_Cod*Daq majaHpu' cha''e' neH.
po wa'DIch wov pemHov. maleSqu'. bIQ'a' HeHDaq maQottaHvIS
majatlhchuqtaH. megh wIsopDI' *Provincetown*Daq maghoS.
wIghoStaHvIS Hov So' 'engghom, 'ej loQ SIS, 'ach pa' maHtaHvIS
SISbe'.
vengHomDaq maleng. wa'maH vaghvatlh wejmaH rep puchpa' HurDaq
be'nalwI' vIloStaHvIS (net tera'Daq be'vaD puchmey yap tu'lu'
jay') muqIm Human be'. wepDaq yoDHom vItuQ; DIvI' Hol
lo'lu'taHvIS yoDHomDaq "Qatpa' tlhInganpu' tlhIngan jIH"
ghItlhlu'pu'.* laDDI' Hagh 'ej muja' "loDnalwI'vaD Dochvetlh
vIleghmoHnIS." maja'chuq 'e' wItagh.
qaSDI' wa'maH tup nughoS loDnalDaj. yoDmoHwIj laDDI' Hagh je 'ej
jIHvaD tlhaqDaj leghmoH. 'oHDaq 'oH 'ejyo' Degh: 'ejyo' mang
ghaH! vIHoHnISlaw' 'ach batlh vIHoHbe'nIS, rojHommabHey
wIcherpu'mo' jIH be'nalDaj je. Do'Ha'.
* DIvI' Hol ghItlhlu':
"I was a Klingon before Klingons were popular."
- tlhIngan veQbeq la'Hom marqem
Heghbej ghIHmoHwI'pu'!
Mark A. Mandel
Dragon Systems, Inc. : speech recognition : +1 617 965-5200
320 Nevada St. : Newton, Mass. 02160, USA : [email protected]