tlhIngan-Hol Archive: Fri Oct 13 08:47:18 1995

Back to archive top level

To this year's listing

• Index by Date
• Index by Thread
• Index by Author

cha' bom

• From: [email protected] (DaQtIq)
• Subject: cha' bom
• Date: Fri, 13 Oct 1995 08:46:20 -0700

Hopbogh bangwI'vaD wa'DIch bom vInob. chu'bogh bangwI'vaD cha'DIch bom vInob.
wa'DIch bomaS pagh cha'DIch bomaS. HIjang!
 
 
wa'DIch:
 
matay'be'bej 'ach maS rap wIbej
porghlIj vIleghlaHbe'
qaleghtaH
 
matay'be'ba' 'ach SuS rap wIHot
'IwlIj vIlarghlaHbe'
qalarghtaH
 
matay'be'law' 'ach qa' rap wI'Ij
ghoghlIj vIQoylaHbe'
qaQoytaH
 
 
cha'DIch:
 
matay'be'chugh vaj jIyonHa'bej
ghomchuqDI' mInDu'maj
jaH 'IwwIj
 
matay'be'chugh vaj jIyInbe'bej
HotchuqDI' wuSDu'maj
meQ 'IwwIj
 
matay'be'chugh vaj jInaQbe'bej
HughwIj pe'DI' pachlIj 
jach 'IwwIj
 
 
- DaQtIq

• Prev by Date: Re: Straight from MO
• Next by Date: Suchegh
• Prev by thread: Re: To be or not to be(How do you say this?)
• Next by thread: Re: cha' bom
• Index(es):
  • Date
  • Thread
  • Author

Back to archive top level