tlhIngan-Hol Archive: Wed Dec 06 15:54:54 1995
[Date Prev][Date Next][Thread Prev][Thread Next]
pain and pride
ghItlhmeH DaQtIq, raDlaw' mu'wIj:
>> ... tera'ngan yIvbeHDaq mu'tlhegh'e' vIparHa'qu'bogh
>> vItu' -- vaj vImugh: qaStaHvIS poH ru', 'oy'lu'; qaStaHvIS bov Hoch,
Hemlu'.
>mu' puS lo'taHvIS, qechvam DellaH tlhIngan 'e' vIHar.
><< 'oy'lu'lI' 'ach Hemlu'taH >> vIchup. yap'a' mu'tlheghvam?
Qu'vatlh! mu'tlheghwIj DaghIHmoHpu'! mu'wIj DapuSnISmoH'a' jay'? qatlh mu'lIj
qaq law', mu'wIj qaq puS? yojwIj 'ovtaH yojlIj, DaH 'e' DaqaSmoH. 'ach Dubbe'
mu'lIj; machchoH neH bIH. QI'yaH, 'ej ghuy'cha'!! napbe'qu' qech
vIja'qangpu'bogh, 'a DanapmoHmeH bInID SoH, 'ej qechwIjvo' pIm qechvetlh
chu''e'. qechwIj DanIHta'; 'oH lungaS je mu' latlh. va, pIj Holmo' ghoHlu'
'e' vIqeH; ramqu' wanI'vam.
jang je ghunchu'wI':
>ghuy'Do:
>>qaStaHvIS poH ru', 'oy'lu'; qaStaHvIS bov Hoch, Hemlu'.
>DaQtIq:
>><< 'oy'lu'lI' 'ach Hemlu'taH >> vIchup. yap'a' mu'tlheghvam?
>yapbe'. qatlh <Hem> lulo'taH Hoch?
>jIHemchugh ram ghu'. potlhqu'ba' batlh.
><ru' 'oy'; taH batlh> vIjatlh.
loQ vIQochbe', 'a loQ vIqeH je. qechwIj 'oH qechwIj'e'! qechvam choHqu'
mu''e' luchoHlu'bogh. mu'wIj neH bobuStaHmo', bong qechwIj boqImHa'pu'.
"qaStaHvIS poH ru', 'oy'lu'; qaStaHvIS bov Hoch, Hemlu'" vIjatlh vIneH. boyaj
vIneH je. ghu'vammo' tubepmoH neH.
leS Holmo' yIghoHQo'. majatlhchuqDI', wanI' lo'laH law'; maghoHDI', wanI'
lo'laH puS. 'e' yItlhoj.
vaj pabna' wembe'chugh mu'wIj, tIchoHQo'. reH mu'rajvaD qechrajvaD rojvam je
vIvuv je jIH, not jItlhoch'eghmo'. ma'ovbe', mujbe'chugh je vay'. DIch
vIghajmo', qeS yIqel.
>-- ghunchu'wI' batlh Suvchugh vaj batlh SovchoH vajghItlh
ghuy'Do:
teHqu' mu'meyvetlh. choquvmoH.
SovlIj yIlaw'moHtaH!
--ghuy'Do