tlhIngan-Hol Archive: Wed Dec 06 15:51:30 1995
[Date Prev][Date Next][Thread Prev][Thread Next]
charghwI' lalDan
- From: [email protected]
- Subject: charghwI' lalDan
- Date: Wed, 6 Dec 1995 18:50:49 -0500
>QaQ mu'tlheghlIj 'ach jaS jIHar: ru' 'oy' 'ach reH taH batlh. batlhmo'
jIHem, vaj reH >jIHemlaw', 'ach jIru'. reH taH batlh neH.
toH. bIHemba', 'ej SoHDaq DuHemlaHbogh Dotlhmey law' vItu'. bIru' 'e' DaHar.
lalDan vay' Qochlaw' qech'e' DaHarbogh. ru' yIn Hoch, 'e' DaHar, 'e' vISov --
jupwI' SoH, qaStaHvIS poH nI'qu', 'ej pIj yablIj, tIqlIj quv je cho'ang. vaj
qayaj, 'ej qech DaHarba'bogh vIyaj je. (vIQochba' jIH, latlh'e' vIHarmo': ru'
yInwI', 'a taH yIn. mayajchuqjaj, maQochchuqtaHvIS.)
vaj mumerbe' mu' DaghItlhta'bogh. 'ach jIHvaD chenqu' mIS, jabbI'IDlIj
latlhDaq vIlaDDI':
>DaHjaj QI'tu'Daq SuvnIS SuvwI'pu'na'. tagh may' chu'.
may' chu' nuq? yIn ru'Daq qaS wa' may''a' neH. qo'Daq yInmeH, porgh lIgh qa',
'e' vIHar jIH. lalDanna' qech 'oHbe'. qechvam mupon QeD, batlh, lalDanmey,
De' latlh je. chenDI' porgh, chen je qa'. porgh tlha' qa', DubchoHtaHvIS. reH
qa' Dotlhmey 'ang porgh mIwmey. qaSpu'DI' poH yap, qa' Hach law', porgh Hach
puS. tlheD qa'. lalDanna' qech 'oHbe', 'ach 'oH 'olbej lalDan -- lu'ol je
qechpat latlh. QI'tu'Daq quvchu'bogh veS'e' HarmoH tlhIngan lalDan, 'ach
tIQqu' qechvam, 'ej Harbe' tlhIngan Hochna'.
'a DaH chomISmoH. "may' chu'" DajatlhDI', bItlhoch'eghlaw'. qechna''e'
Duponpu'bogh De' DaqImbogh, qaStaHvIS yInlIj ru', HIQIj. yab vuS mIn, 'e'
vIjeymeH jInIDtaH. qechmey vIHarmeH mura' pagh. vay' vIHarmeH wIvwIj vuvlu'
'e' vIqap. latlh wIv vIvuv je.
yab tIq je HI'angqa', jup.
SovlIj yIlaw'moHtaH!
--ghuy'Do