tlhIngan-Hol Archive: Wed Mar 23 12:39:18 1994

Back to archive top level

To this year's listing



[Date Prev][Date Next][Thread Prev][Thread Next]

William Tell version 2



I've gotten a lot of excellent feedback from Krankor on this story,so here it
is once again. I'm encouraging all to read it, as I'd like to have more
suggestions for improvements on clarity and expressiveness. This will be my
first submission to the Klingon Writing project briefly mentioned in HolQeD
2:3.

Some points on this story should be made clear first. This is the story
behind the story. You will notice that I did not use the Federation standard
"William Tell" transliteration of the character's name. This is because this
story is not really the William Tell Terrans are generally familiar with. It
was adapted into the Klingon language shortly after Klingons and Terrans
established contact. Since that time, the Klingons have distorted and
Klingonized the plot. For instance, in this version, Tell's son dies at the
end.

The passage below is one abridged version of the story that has made its way
into Klingon legend. yItIv:


-----------------------------------------------------------------------------------
ben law'qu' yIn vIlHem-tel
nap loDvam 'ej vumqu'nIS 'a batlhDaj Suq
qaStaHvIS wa'SaD DIS lamDaq Quch ngoHchugh vaj gheghlaHtaHqu'
reH QuchDaj rotlh law' lam rotlh puS
Huch law' ghajbe' 'e' SaHbe' pIvmo' qorDu' 'ej Hemmo'
Soj SuqmeH wIj 'ej HuD SumDaq wam
wamtaHvIS tlhej puqloDDaj

vIlHem-tel juHqo' charghta' HI' nov
vIlHem-tel yoSDaq wa' HI'Hom ngeHta' HI'
HI' woQ luvuv vIlHem-tel latlh je pe'vIl 'e' qaSmoHlaw' HI'Hom
woQ luvuvmeH rewbe' veng botlhDaq HI' Degh lanta' HI'Hom
vaj ra' <Deghvam quv bojuSpa' 'oHvaD petor
SIbI' torbe'wI' luqoplu'>

HI'Hom SoQ Qoybe' vIlHem-tel puqloD je HuDDaq wammo'
vengDaq cheghDI' HI' Degh lujuS
vaj ghoS HI'Hom QeH
jach <HI' Degh quvvaD petor>
jang vIlHem-tel <jItorQo'
HI' nov vIvuvQo' jItlhabmo'
puqloDwI' je>
<lotlhwI' tlhIv Saqop> jatlh HI'Hom

HI'vaD chaH qem HI'Hom
tlhob HI' <nuqmo' HI'na'ra' jIHbejbogh bovuvQo'>
ja' vIlHem-tel <matlhabmo'
not mochqoq SoHbejbogh vuv vajna'>
jang HI' <gharwI' jat nuch tIq>
jatlh vIlHem-tel <teHHa' woQlIj
'IwlIj DalarghlaHbe'
'IwwIj jeD law' 'IwlIj jeD puS 'e' vItobmeH yapbe' mu'
'e' vItobmeH vI'wIj'e' vI'ang>
jatlh puqloD <'e' tobbej vavwI' vI' pov
pu'beH baHchu'
Sorvo' jagh ghopvo' joq naH bachlaH vavwI' wa' qelI'qam 'oHDI' chuq'e'>
<wejpuH
'e' vIleghqang bIvItchugh
ghoplIjvo' naH bachnIS vavlIj>
jach puqloD <chotIchlaw'pu'
vavwI' jagh vIDaQo' jay'>
jang HI' <vaj Sor'e' yIDa>

yotlhDaq chaH qem HI' HI'Hom je
ja' HI' <mIw vIQIj
wa' qelI'qam chuqDaq vIlHem-tel puqloD luplu'
ghopDajvo' naH bachnIS vIlHem-tel
pu'beHvam yIbaH>
baHbeHbogh pu'beH tlhap vIlHem-tel
naH puStaHvIS ghaH jatlh HI' <vI'qoqlIj Hajba' puqloDlI'>
jatlh vIlHem-tel <nuqjatlh>
jatlhqa' HI' <Duvoqchu'chugh vaj nujDaq naH lanvIpbe' puqloDlI'
qar'a'>
puqloDvaD Qum HI'Hom <nujlIjDaq naH yIlan>
jang <lu'
qatlh mIw choHlu'>
ja' <raptaH SanlIj
rejmorgh yIDaQo'>
bItlaw' vIlHem-tel
qeqmeH Qogh mach Hop bach 'a juSqu' 'uD'a' 'ej Haw' Qogh
Hagh HI' HI'Hom je
jatlh vIlHem-tel <batlh Heghbe' HaghwI'>
tlhob HI'Hom <DaHjaj Hegh'a' puqloDlIj'e'>
QeHqu'choH vIlHem-tel
nom puS 'ej baH
jor naH 'ej pay' ghomHa' puqloD Ho' 'ej vulchoH
jatlh HI' <vI'lIj DaDajpu'
not tlhab DaHevqa'
reH qama'na'ma' SoHtaH>
pu'beH tlhe'moH 'ej HI' tlhejbogh wej negh'e' bach
HI'Hom rIQqu'moH je 'a Haw' HI'
HI' qImHa' 'ej puqloD qet
puqloDDaq pawDI' loQ vulHa'choHpu'
puqloD jatlh <vavoywI' pIch Daghajbe'ba' 'e' vItlhoj
'ach qatlh DubHa'law'pu' vI'lIj>
jang <QeHchugh qoj bItchugh matHa' vaj puSHa'>
jatlh <jIyaj> 'ej Hegh
jach vIlHem-tel <baQa'
Heghpu' puqloDoywI' quv
bortaS vISuq>

nIch ngaSbe' pu'beH 'e' tu'
vaj Doch lI'be' woD
puqloD moy'bI' Ho' je woH
nuHHeyvam qengtaHvIS HI' wam
yotlhvo' cheghlI'bogh HI' SamDI' moy'bI' puSchu' vIlHem-tel jot
QeHba' 'a jotbejmo' HI' mong mup Ho'
bortaS neHpu'bogh Suq rIntaHmo' nom juHqo'DajDaq cheghmeH Duj tIj

Dejmo' HI'tuy vIlHem-tel batlh maqqu'lu'
lop 'e' tIvbe' vIlHem-tel puqloD quvmoHbe'lu'mo'

-----------------------------------------------------------------------------------


Guido#1, Leader of All Guidos
[email protected]#$%^&*(jabbI'ID pItlh)*&^%$#@!



Back to archive top level