tlhIngan-Hol Archive: Thu Dec 29 11:45:29 1994

Back to archive top level

To this year's listing



[Date Prev][Date Next][Thread Prev][Thread Next]

tlhIngan Hol tlhol



Sajatlh, tlhInganpu', juppu'na', jaghpu'Hey, Holtejpu', De'wI' chamwI'pu' je.
ghaytan latlhpu' vIlIjpu', a' Hochna'vaD jIjatlh, tlhIngan Hol tlholqu'
wIlIngnISqa'mo'. pab'e' qellu'DI' neH, ghojqu'be'lu'. tlhIngan Hol'e'
lo'lu'DI' ghojqu'bej. net tembe'nIS. ngochvam boHarchugh 'ej tujangqangchugh
vaj jIlop. tlhIngan Hol wIlo'taHvIS, maja'chuqchoHmeH mIw vItIvqu'. 'a qay'
wa': De' wIja'bogh DellaH mu'tay' net poQ. De'wI' De', tera'ngan yIn vay' De'
joq ja'lu'meH yapHa' mu'tay'. nuq Delrupchu' 'oH? 'e' vIyu'DI', SIbI'
vISovlaH, mu'tay' vIqelchugh: tlhIngan yIn, Qo'noS wo' wanI' joq DellaHchu',
'a loQ lI'be' De'vam. 'a chaq DajlaHmo', maja'chuqmeH meq wIghaj. qar'a'?

wa' DuSaQ Qu''e' vIlumtaH. wa' qun wanI''a' De' vIghItlhnIS 'e' vIlum, va.
Qu'vatlh jIbuDDI' jImogh; 'ach jImoghDI', Qu' vIta'nISmeH HoS vISuq,
jIrIH'eghrupmo'. (mISvam'e' yIbuSQo'.) qun wanI' Qu'wIjvaD wanI''e' vIqelnIS:
qaSDI' 1969 tera' maS ghorDaq Saq Humanpu'. qummeyvaD HubbeqmeyvaD je
potlhmo', Qu'wIjvaD De'Daj vIghItlh 'e' vIwuq. 'a DaH tlhIngan Hol
vIbuStaHvIS jIlumba' 'ej jImoghqu', wej rInmo' Hamlet wImughlI'meH Qu''e'.
DuSaQ wa' Qu'vam vIta'ta'DI' jIlopqu'.

tlhIngan Hol loHvaD jIjeS vIneH 'a wej muchaw'bej poH. Holvam vIlo'laHchu'meH
jIpo'qu' vIneHmo', DaH Dochvam vIghItlhlI'. vIghItlhDI' jIH 'ej laDDI' latlh,
chaq nupo'moHtaHmeH lI'. mIw'a'vam wItaHchugh, DubbejtaH laHmeymaj.
ghu'vammo' jIloprupchoHjaj.

pIj novHol vIlo'taHvIS, QubmeH mIw pImnISmoH yabwIj. DaH ghu'vam tu'lu'.
ghItlhvam vItaghDI', QIt jIghItlh, 'a DaH jIchung. mIw vay' taghlu'pa', loQ
chIch qeqnISlu'lI'. reH Qapjaj mIwvam'e'.

tlhIngan Hol wIlo' 'e' wIghurnISmo', nI'jaj ghItlhvam 'ej yIlaDpu'.

Qu'vatlh Hu'tegh ghuy'cha' QI'yaH jImogh, vIvuvHa'lu'mo'. 'a jIvuv'eghqu'DI'
vInuSlu' je neH. bong laHHeywIj QaQ vIwovmoHDI', mu' Hurgh vIHev: yImIyQo'.
(DapHeyvam'e' chaq yIqImHa'.) ghu'vammo' jImoghba'. latlhmeymo' jImogh je,
latlhpu' moghmoHmo' ghu''e': naDev tlhIngan Hol wIlo' 'e' wIghurqu'nIS jay'.
QI'yaH mabuDlaw'. ghobe', mayapbe'bej. 'a ghu'vam Hat wIqay'Ha'moHlaHqu':
paQDI'norgh luch 'oghnISlu' jay'. law'qu'choHDI' tlhIngan Hol jatlhwI' po'
jIQuch.

DaH Sarqu' jatlhwI'pu'ma' 'ej Dajqu' tlhIngan Hol loH jeSwI'pu'ma' chaHbogh.
jeSqu', DatHey 'e' lupoch. 'a Dajbej HolQeD 'e' tu'ba' Sar'a'vam naQ.
loH'a'vamvaD jeS 'e' vuSqu'bogh nuv'e' ghaq law', 'e' Sachbogh neH nuv'e'
ghaq puS. ngoDna'vam tob je ghu''e': voghmeyDaq jeSlaH *nIchyon*, batlh
tlhIngan HolvaD 'e' vuS ghaH, *SeQpIr* ghItlh'a'mey mughtaHvIS. HIlachQo',
rut mujatlh ghaH, 'a jInoD. laHDaj tobchu' DuSaQ'a' popmeyDaj. HolQeD wIgh
ghaH, 'ach tlhIngan Hol lo'taHvIS qoj pab De'Daj ja'taHvIS, pIj berghmoH
ghaH. 'ach Hu'tegh, laHna'chaj lutemlaH'a' berghwI'pu'vam? ghobe' jay'.
HolQeDvaD neH jeSchu' 'e' vuSlaw' 'a vuSHa' latlh. qabbe' latlhpu' mIw, 'a
DaHjaj ghaqqu' ghaH'e' net temlaHbe' jay'.

qaSjaj wanI''e' najlI'bogh loHwI''a' (*Lawrence*): SeQpIr tlhIngan Hol paqmey
leghlaH neH ghaH. wanI'Heyvam chavlu'meH 'ut ghaqwI''a' law'. batlh
ghaqbejta' *nIchyon*.

toH, tujangqang'a'? nI'bejpu' ghItlhwIj. maj. Qapla' jIrInlaw'.

pItlh

ghuy'Do


Back to archive top level