tlhIngan-Hol Archive: Sun Aug 21 12:47:05 1994
[Date Prev][Date Next][Thread Prev][Thread Next]
Re: I shouldn't ask... [into the breach]
- From: [email protected] (Nick NICHOLAS)
- Subject: Re: I shouldn't ask... [into the breach]
- Date: Mon, 22 Aug 1994 14:43:01 +1000 (EST)
- In-Reply-To: <[email protected]> from "HoD trI'Qal" at Aug 20, 94 02:54:37 pm
Hu'tegh! nuq ja' HoD trI'Qal jay'?
=> Hoch vISuvrupqu'. qatlh [christian]pu' vISuvbe' je? Qanqor,
=> may'Daq chotllhejqang'a'?
=> charghwI'
=Dutlhejqangchugh Qanqor pagh Dutlhegqangbe'chugh Qanqor, qatlheghqangqu' jIH!
Dal. Dalqu' Qu'raj. vIHbe'bogh ray' bobaHqanglaw'. jaghna' ghovnIS vajna'.
jaghHey neH HIvtaHchugh, vaj nuq chav? jaghra' 'oHbe' lalDan'e'. wIchqoq vay'
Harchugh vay', vaj chay' lInuQ? jagh moj lalDan, qechpat vay' joq, che'Ha'meH
'oH lo'DI' HI'. vaj HI''e' tIHIv. HI'tuy leHbe'chugh lalDanngan boHIvbogh,
vaj nuq bochav? qechpat Harbogh tam qechpatraj 'e' bochavlaH. vaj yay Suqlaw'
QaQwI' 'ej yay SuqHa'law' qabwI'. 'ach wIchvam'e' HarQo' valwI'. QaQwI'pu'
qabwI'pu' je tu'lu'be'. ghotpu' neH tu'lu'. 'ej QaQwI'pu' qabwI'pu'
tu'lu'chugh je, SuHIgh 'e' quvmoHlaHbe' ghu'. mu'tlhegh lughqu' jatlhpu'
ghobtej'a''e', *Nietzche*'e': Dep'a' mIgh bowamtaHvIS, Dep'a' mIgh bomoj je
tlhIH 'e' yIbot.
toH DaH nuq bochav? *'IHrIStoS* lalDannganpu', *yeHuDa* lalDannganpu' je
boHIv lIHIvpa'. SuQoj, 'utbe'taHvIS noH. juppu'ra' boqIp. ngeDqu' ghu'. vajna'
tobbe' 'oH. SuDoch neH. DochDI' lalDannganpu', chaH lunaDHa'nISlu'. SuDochDI'
je tlhIH, rap yoj.
QoSnIS vay'. 'ach ram. SuHIvHa'taH 'e' bomev net tlhob. DaH DochHa'taH 'ej
ghob lugh luleHtaH tlhIngan HaDwI'ma' net tul. Qu'mey tu'lu'bogh potlh law',
Qu'qoqraj Dal potlh puS. vaj chepjaj Qu'meyvetlh. 'ej QonoS latlhDaq
lalDan HIvmeH Qu'raj yItaHmoHjaj, botaHqangmoHchugh.
And I hope that will be the end of that.
--
>>>>>>>>>>>>>>>>>>>>>>>>>>>>>>>>>>>>>>>>.<<<<<<<<<<<<<<<<<<<<<<<<<<<<<<<<<<<<<<
Nick Nicholas. Linguistics, University of Melbourne. [email protected]
[email protected] [email protected]
AND MOVING SOON TO: [email protected]