tlhIngan-Hol Archive: Thu Aug 18 06:43:06 1994
[Date Prev][Date Next][Thread Prev][Thread Next]
Re: tlhIngan tlhaq chu'
- From: Captain Krankor <[email protected]>
- Subject: Re: tlhIngan tlhaq chu'
- Date: Thu, 18 Aug 1994 18:00:21 -0400
>>
>> ramvam, tlhIngan Hol vIlo'taHvIS JIghItlh vIneH.
>
>maj. DaHjaj ram vIghItlhmeH tlhIngan Hol vIlo' vIneH je.
>
'ej reH jImuvrup jIH!
>> pIj jIghItlhDI'
>> tlhIngan Hol vIlo'be'. (DaH naDev jabbI'IDmey law'qu' tu'lu'.
>> chaq ghomvam muvpu' chu'bogh nuvpu' law'. jabbI'IDmey Hoch
>> vIlaDchugh, poH law' vIpoQ. vaj Hoch vIlaDlaHbe')
>
>jIHvaD Qatlh je Qu'vam. nom vIlaD vIneH. vIDubtaH.
>
nom vIlaD vIneH je. mu'ghomDaq mu' vInejmeH jImevnISDI' jIQeH'eghchoH.
>> Hu' puS, tlhIngan tlhaq chu' vIlegh 'ej vIje'. 'oH luchenmoH *Timex*.
>
>Dajqu' Dochvam. nuqDaq tlhaqvam Datu'?
>
>> tlhaqvamDaq tlhIngan ghItlh tu'lu'. leghpu''a' vay'?
>
>ghobe'. tugh vInej.
>
>> 'oHDaq bIHtaH mu'meyvam:
>
>[Ahem. I say {tlhIngan jIH}, not {jIH tlhIngan}, so would this
>be better said as {'oHDaq mu'meyvam bIHtaH}?]
jIQochqu'. lughbe'pu' DachoHpa' 'ach DaDubHa'pu'. -'e' neH poQ
mu'vetlhDaj, 'ach QaghHomna'vam vItI'chugh, moj:
'oHDaq bIHtaH mu'meyvam'e' "These words are on it"
'ach mugh choHlIj:
'oHDaq mu'meyvam bIHtaH "They are these words on it"
yajchu'meH, yIqel:
tlhIngan jIH "I am a Klingon"
DujDaq tlhIngan jIH "I am a Klingon on a ship"
DujDaq tlhIngan bIH "They [things] are Klingons on a ship"
DujDaq mu'mey bIH "They are words on a ship"
'ach
DujDaq bIH mu'mey'e' "The words are on the ship"
DujDaq ghaH HoD'e' "The captain is on the ship"
'ach
DujDaq HoD ghaH "He is the captain on the ship"
rapbe', yaj'a'?
>> cher (setup)
>> wIv (mode)
>> chu'/mev (start/stop)
>> lIs (reset)
>> ghum (alarm)
>> tlhaq (timecorder)
>> cha' (dual time)
>
>qaq {{yoS cha' poH}} 'e' vIHar. ["place #2's time."]
>
>> togh poh (stopwatch)
>
>[Groan! "Time counts"?] qaq {{poH toghwI'}} 'e' vIHar.
>
>> 'oHDaq bIHtaH je tlhIngan Degh'e' pIqaD Deghmey'e' je.
>
>mumerbe' Dochmeyvam.
>
>> nuq boQub?
>
>vIparHa'. wa' vIneH.
jIH je! wagh'a'?
>> Amy
>>
>charghwI'
>
--Qanqor