tlhIngan-Hol Archive: Tue Feb 28 11:32:09 2012
[Date Prev][Date Next][Thread Prev][Thread Next]
Re: [Tlhingan-hol] ramwI'mey
Qov:
> ghoH 'e' parmo' lojmIt tI'wI' nuv chaq DutlhochQo' 'ach jangniSlu'.
jIghoH vIneHbe'. jIyajchu' vIneH neH.
lojmIt tI'wI' nuv:
>> > DaHjaj jIrop. loQ jIbechlI', 'ach HeghlI' jupwI', vaj jIbepQo'. wejleS jIpIvqa'. cha' nem Heghpu' jupwI'.
De'vID:
>> loQ qayajchu'be'. cha' juppu'lI' DaDel, qar'a'? HeghlI' wa' 'ej Heghpu' latlh 'e' Daja'law'.
Qov:
> De'vID, wej Heghpu' jupDaj. wa' nem Heghpu'. pabchu' lojmIt tI'wI' nuv. pab Daghovbe'chugh {ghorgh tujchoHpu' bIQ} yIqel.
DopDaq qul yIchenmoH QobDI' ghu'. {nem} {wen} je vImISmoH. DaH vIyajchu'.
De'vID:
>> Duj Daghajbe''a'? yaHlIjDaq Hung yaH tu'lu'be''a'?
Qov:
> Daj. SeplIjDaq vumwI'pu'vaD nuHmey pol'a' Hung yaSpu'?
Sep'e' vISovbe' 'ach vogh yaHDaq nuHmey polbej Hung yaS.
lojmIt tI'wI' nuv:
>> > vIlagh. vIlaghHa'. vIlaghqa'. vIlaghHa'qa'. jImon.
De'vID:
>> DalaghHa''a'? pagh Damutlh'a'?
>> {laghHa'} lo'lu'chugh laghDI' Qagh 'e' vIQub. ghaytan DalaghHa'be'.
Qov:
> jIQochqu'. lagh 'ej laghHa'bej. mu'mey ngo' Qaw'be' mu'mey chu'.
pIj {-Ha'} vIyajbe'. ghorgh {Qagh} 'oS 'ej ghorgh "undo, be/do the
opposite" 'oS?
rut {Qagh} 'oSba':
{jatlhHa'}
{bachHa'}
"unspeak", "unshoot" je chavlaHbe'mo' vay' "misspeak", "misfire" je 'oSba'.
rut "be the opposite" 'oSba':
{belHa'}
{QuchHa'}
rut "undo, do the opposite" 'oS:
{tuQHa'}
{buSHa'}
{nobHa'}
{parHa'}
{tatlh} neH 'oSbe' {nobHa'}. {nobpu' ghIq tatlh} 'oS.
qatlh "un-disassemble" 'oS {laghHa'} 'ej "mis-disassemble" 'oSbe'?
vIyajbe'. {laghHa'} vIlaDDI' {laghDI' Qagh} 'e' vIyaj.
De'vID:
>> (mu' chu' 'oH {mutlh}'e'. qen wISuqpu'.)
Qov:
> laghbe'pu'chugh 'ej HIch chenmoHmeH 'ay'mey Sar lo'chugh chaq mutlh. laghpu'DI' laghHa'bej.
ramqu' mu' chu'. {mutlh} wIHutlhchugh, {laghHa'} vIyajmeH choHbe'
mIw. {-Ha'} vIyajbe'law' neH.
Qov:
> taghwI' pabpo' 'utlh ghaH lojmIt tI'wI' nuv'e' taghwI' jIHtaHviS. choHpu' pong neH.
'e' vISov.
p.s. DaH taghwI' pabpo' 'Iv?
--
De'vID
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol