tlhIngan-Hol Archive: Mon Feb 27 08:43:41 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh vaghmaH: <jaS mej>
On Fri, Feb 10, 2012 at 3:59 PM, Qov <[email protected]> wrote:
> SIbI' jatlhbe' 'eSSIm.
(SIbI' jatlh)be' SIbI' 'e' vIyaj. cha'logh vIlaDDI' jaS yajlaH vay'
'e' vItu'. 'ach qay'be' mu'tlhegh.
> Duj chIjbogh Human lujonpu'chugh tlhInganpu',
> tepqengwI' HoD chun ghaH 'e' luHarbe'.
(tongDuj)
luHarbe'ba', 'ach lughbejbe' chaH.
> Heghba'pu' 'ej 'oy''a' SIQpu'. 'a
> Mahoun 'IQmoHbe'meH QIjbe'. jatlh "Do'Ha'."
pIj De' potlh 'angchu'be' mu'vetlh. valQIS ja' Qugh: <vaj Daleghpu'.
Do'Ha'.> ghIq HoH.
> jatlh Mahoun, "wejmaH ben yuQwIjDaq Dochmey nov ngevmeH malja' mach
> vIcherta'. verghDaq Dujmey vISay'moHpu'mo' Suy'pu' law' vISovpu' 'ej chaHvaD
> Dochmeychaj vIngev."
loQ Huvbe' pab. nuvvaD Doch ngevlu'chugh, Doch je'meH nuvvam Huch
nob'a'? je'DI' latlh Huch Hev'a' nuvvam?
> "jIDo'pu'. qarpu' poH 'ej juppu' qar vIqIHpu'. chepqu'taH
> malja'wIj. DaH DujwIj'e' vIghaj 'ej muboQbe'taH DIvI'.
"My own ship" vIyaj, 'ach
> yelwIyyItnganpu' chaH
> Hoch beqpu'wI''e'--HochHom, SaH wa' 'anDorngan toy'wI''a'."
beq ghaH toy'wI''a''e'. Daj.
> DIvI' rewbe' ghaH 'anDorngnan'e'. DIvI' toy'wI''a' ghajchugh vay'
> voqbe'bej DIvI'. jatlh, "ghoqwI' SoHbe' DaH 'e' vIHarchu'. 'ach maqIHDI'
> qaghIjba'pu'. qatlh manga'chuq DaneHpu'?"
vISIvpu' je jIH. tlhIngan DeS DIr neH ghaj'a'?
> jatlh Mahoun, "SoH qaSeymoHlaw'mo', jIH choSeymoH ... 'ej tlhIngan
> vIghatlh vIneHpu'. bortaSHey vISuq. ghIq qaSaHqu'choHpu'. qaSaHtaH 'ach
> tlhoy bIQob." Hung yaSpu' muchmeH ghopDaj joqmoH.
reH Qob ngaghbogh tlhIngan. rIQchoH roD 'e' SaHbe' neH.
> bortaS yaj 'eSSIm. meq QaQ 'oH. bortaS taQ Suqta' Mahoun 'ach taQtaH
> novpu'. jatlhtaH Mahoun 'ach pagh De' chu' chel. poj'eghtaHlaw' 'ej 'eSSIm
> poj je.
(yelwIyyIt mung 'oH yelyuQ'e'; tlhIngan mung 'oH Qo'noS'e')
> yevpu'DI' 'ach pagh ghelpu'DI' tlhe''egh 'eSSIm 'ej
> yelwIyyItnganpu'vo' yItchoH.
vangchu'. ja'chuq rIntaH.
> HaghchoH Mahoun 'ej jatlh, "reH bImejDI' tlhIngan tIgh Dapabmo' bItlhaQ."
>
> mIS 'eSSIm. mejtaHvIS Mahoun tIgh le' pablI' 'e' tu'be'. jatlh, "jaS
> bImej'a'?"
>
> jatlh Mahoun, "<matay'laHbe'> jatlhDI' bang, ja'chuqnISchoH bangpu'."
jIHvaD taQ qechvam. ja'chuqnISchugh, jatlhnISba' vay' <maja'chuqnIS>.
> jatlh 'eSSIm, "tIghmeywIjvaD ja'chuqbe' bangpu'. ngagh pagh Suv pagh mej."
Dallaw'.
> "tay'taH pagh tay'be'. qaStaHvIS wa'maH vagh tup DebDaq maQamtaHvIS
> majatlhtaHmo' tIghraj'e' vIpabtaH."
touche'
> HungpInDajvaD jatlh Mahoun. jang HungpIn ghIq QumwI' lo' latlh yaS. 'eSSIm
> chol Mahoun. 'eSSIm nach DopDaq ghop lan Mahoun 'ej jIbDaj yach. tlhup
> Mahoun. jatlh, "wa'leS qaleghqa', tujoy." tlhe''egh 'ej Qol Hoch
> yelwIyyItnganpu'.
tlhoy Qob 'ach taHba' parmaq.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol