tlhIngan-Hol Archive: Thu Feb 09 21:25:33 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh wejmaH loS: <tep Hat>
At 20:43 09/02/2012, you wrote:
On Fri, Jan 20, 2012 at 7:41 PM, Qov <[email protected]> wrote:
> "naDev tlhIHvaD qay''a' vay'?" jatlh Sa'. "Hoch DapoQbogh DaSuqta''a'?"
'IllaH Sa'? nub SoQDaj reH 'e' vIwuqrup.
vajar Seng Dayaj.
> lojmIt mup vay'. jatlh qImyal, "nuqneH?"
>
> jatlh vay'. Qoybe' vajar
be' ghaHlaw' jatlhwI''e'.
lojmIt 'emDaq jatlhwI' tu'lu' je.
> 'ach jatlh qImyal, "yI'el." 'el wej 'avwI'pu'.
> qImyal teSvaD jatlh wa'.
tlhup chIch 'e' DaDelbe''a'?
ghobe'. chaq tlhup. leghlaH vajar 'ach QoylaHbe'.
> SIbI' QuchHa'qu'choH qImyal qab ghIq jaS
> QuchHa'choH. wa' 'avwI'vaD jatlh "yItaH tIjatlh."
'IvvaD jatlhnIS? nuv law' 'ang <tIjatlh>, 'ach wa' nuv 'ang <yItaH>.
majQa'! bIlugh. DopDaq qul tIchenmoH QobDI' ghu'.
> mej 'avwI'vetlh. vajarvaD
> jatlh, "*Dugh*Daq 'op tep Hat lutu'pu'. Dochmeyvetlh DaQIjlaH'a'?" Saghqu'
> ghoghDaj. jatlhtaHvIS vajar DeSDu' 'uchchoH 'avwI'pu' 'ej pu'HIchDaj nge'.
vItmeH vajar ja'laH ghobe'.
yIloS. QIjlaHbej.
> ba'qu'choH vajar 'ej 'avwI'pu' buSHa'. jatlh, "Hatchugh tepwIj vISovbe'pu'.
> nuq luSam?"
>
> jatlh qImyal, "HeSmeylIj DaDISnIS. nuq boHIj?"
chaq jav Dop weQ tu'. :-P
jIH Say'moHmeH DIrmey vIje'nIS.
> jatlh vajar, "pagh tep vISo'ta'." vay' So'ta'chugh beq, ngoy' HoD 'e' Sov.
> tlhoS jatlh <matlhHa'law' ghIrel> 'a jonwI'pu' Suchta' 'e' peghnIS. ghaytan
> Sa'vaD matlhHa'ghachDaj luja'ta' jonwI'pu', vaj mIqta'Daq vay'
> So'lu'ta'chugh yaj Sa'. qarbe''a'?
De' pegh nejDI' jonwI', So'wI' per vajar. So'wI'Daq vay' tu'lu'chugh,
vajarvaD qay'.
DujDaq vay' tu'lu'chugh ghaHvaD qay'. va, Sa'vetlhmo' DujDaq pagh
tu'lu'chugh vajarvaD qay'law'taH.
> Qochlaw' Sa'. vajar'e' pIHba'. Saghqu'taHvIS jatlh "SIbI' bIDISchugh chaq
> qaQaHlaH 'a HeSmeylIj DaSo'taHchugh bIquvHa' 'ej qaQaHlaHbe'." pagh
> So'ta'mo' jangbe' vajar.
yajHa'ghachmey vImuS, 'ach lut luDajmoHbej.
yajHa'ghach 'oHqu'be' ghu'vam'e'.
> vajar luDorchoH cha' 'avwI'pu'. ghaH nIH cha'neH[103] 'uchtaHvIS 'oy'moH
> 'ach bepbe'.
The second sentence takes some concentration to keep track of the
implied but unstated subjects. wa' cha'neH 'uchtaHmo', 'uchba' wa'
'avwI'. 'uchchugh cha', cha'neH lu'uch. 'ach bepbe'wI' ghaH 'avwI''e'
'e' vIHonqu'.
qayaj 'ej vIDub.
> tep Hat luleghmeH Hung pa' lughoS. pa' loSlI' Hung la'. be'
> ghaH. ben wuSDaj Dung QIDqu'mo' vay' Ho'Du' 'ang monbe'taHvIS. qu'moH.
De' ram DaDelchu'. lut qetlhHa'qu'moH.
tlhInganpu'wI' vIleghlaHmo' DaleghlaH SoH vIneH. Hung la'vetlh
DaparHa'mo' jIQuch.
> HatwI'Hey muchchoH. romuluSngan Hol lo'bogh pu'jIn QIj vajar. lujonta'.
> romuluSngan loghvaD Sung De' qar law' tlhIngan De' qar puS. chachmo' wej
> wo'vaD De' chu' lI'ta'.
vItojlu'! pagh luSam. HeSqoqvammo' DISnISbe'ba' vajar.
vajar buQmeH qImyal, romuluS HIq HIjbogh HoD'e' Delta', ghIq leSmoH,
ghIq buQqa' ... DaH nuq nablI' ...?
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol