tlhIngan-Hol Archive: Thu Feb 09 20:44:33 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh wejmaH loS: <tep Hat>
On Fri, Jan 20, 2012 at 7:41 PM, Qov <[email protected]> wrote:
> "naDev tlhIHvaD qay''a' vay'?" jatlh Sa'. "Hoch DapoQbogh DaSuqta''a'?"
'IllaH Sa'? nub SoQDaj reH 'e' vIwuqrup.
> jonwI'vetlh Qup qelqa'mo' vajar tlhoS mon. chaq ramvam jonwI'vetlh SuqlaH.
Quchmo' vajar lut vItIvtaH.
> jatlh "DojbejneS may'DujlIj, Sa'. Hoch vIpoQbogh vISuqta'." morgh neH vajar
> 'ach luyepmoH Hota'ro' mu'mey. HarwI' Da.
Hota'ro' voqba'.
> lojmIt mup vay'. jatlh qImyal, "nuqneH?"
>
> jatlh vay'. Qoybe' vajar
be' ghaHlaw' jatlhwI''e'.
> 'ach jatlh qImyal, "yI'el." 'el wej 'avwI'pu'.
> qImyal teSvaD jatlh wa'.
tlhup chIch 'e' DaDelbe''a'?
> SIbI' QuchHa'qu'choH qImyal qab ghIq jaS
> QuchHa'choH. wa' 'avwI'vaD jatlh "yItaH tIjatlh."
'IvvaD jatlhnIS? nuv law' 'ang <tIjatlh>, 'ach wa' nuv 'ang <yItaH>.
> mej 'avwI'vetlh. vajarvaD
> jatlh, "*Dugh*Daq 'op tep Hat lutu'pu'. Dochmeyvetlh DaQIjlaH'a'?" Saghqu'
> ghoghDaj. jatlhtaHvIS vajar DeSDu' 'uchchoH 'avwI'pu' 'ej pu'HIchDaj nge'.
vItmeH vajar ja'laH ghobe'.
> ba'qu'choH vajar 'ej 'avwI'pu' buSHa'. jatlh, "Hatchugh tepwIj vISovbe'pu'.
> nuq luSam?"
>
> jatlh qImyal, "HeSmeylIj DaDISnIS. nuq boHIj?"
chaq jav Dop weQ tu'. :-P
> Qubqu' vajar. HeSpu''a'? ratlhbe' HIq nov 'e' Sovbej 'ej not tep jonpu'bogh
> ngev. pe'vIl jath Sa', "lut ngeb yIqonQo'. bong DaHIjpu'be'. tep
> DaSo'ta'bogh vIqellI'."
toH! cha' HanDogh ghaj Duj, pay' 'e' vItlhoj...
...'ej QapHa' So'wI', pay' 'e' vIqaw.
> jatlh vajar, "pagh tep vISo'ta'." vay' So'ta'chugh beq, ngoy' HoD 'e' Sov.
> tlhoS jatlh <matlhHa'law' ghIrel> 'a jonwI'pu' Suchta' 'e' peghnIS. ghaytan
> Sa'vaD matlhHa'ghachDaj luja'ta' jonwI'pu', vaj mIqta'Daq vay'
> So'lu'ta'chugh yaj Sa'. qarbe''a'?
De' pegh nejDI' jonwI', So'wI' per vajar. So'wI'Daq vay' tu'lu'chugh,
vajarvaD qay'.
> jatlh, "QuSmeyDajmo' ta''a' Hota'ro' 'e'
> DapIH'a'?"
>
> Qochlaw' Sa'. vajar'e' pIHba'. Saghqu'taHvIS jatlh "SIbI' bIDISchugh chaq
> qaQaHlaH 'a HeSmeylIj DaSo'taHchugh bIquvHa' 'ej qaQaHlaHbe'." pagh
> So'ta'mo' jangbe' vajar.
yajHa'ghachmey vImuS, 'ach lut luDajmoHbej.
> vajar luDorchoH cha' 'avwI'pu'. ghaH nIH cha'neH[103] 'uchtaHvIS 'oy'moH
> 'ach bepbe'.
The second sentence takes some concentration to keep track of the
implied but unstated subjects. wa' cha'neH 'uchtaHmo', 'uchba' wa'
'avwI'. 'uchchugh cha', cha'neH lu'uch. 'ach bepbe'wI' ghaH 'avwI''e'
'e' vIHonqu'.
> tep Hat luleghmeH Hung pa' lughoS. pa' loSlI' Hung la'. be'
> ghaH. ben wuSDaj Dung QIDqu'mo' vay' Ho'Du' 'ang monbe'taHvIS. qu'moH.
De' ram DaDelchu'. lut qetlhHa'qu'moH.
> HatwI'Hey muchchoH. romuluSngan Hol lo'bogh pu'jIn QIj vajar. lujonta'.
> romuluSngan loghvaD Sung De' qar law' tlhIngan De' qar puS. chachmo' wej
> wo'vaD De' chu' lI'ta'.
vItojlu'! pagh luSam. HeSqoqvammo' DISnISbe'ba' vajar.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol