tlhIngan-Hol Archive: Sat Feb 18 15:36:41 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh loSmaH loS: <mIwmey motlh>
On Fri, Feb 3, 2012 at 2:28 PM, Qov <[email protected]> wrote:
> quvDaj choqmeH, Mahoun rI'pu' 'eSSIm, 'ach chach SIQtaHmo' Mahoun 'ej 'eSSIm
> lajHa'ta'mo', Mahoun SaHqu' DaH 'e' tlhoj.
'ey'qu'law' naH tuchlu'bogh.
> tlhIngan tuqmey SaHbe'mo' nov,
> tay'laHtaH 'e' tul 'ach Do'Ha' qaSbe'taH. Mahoun wIv vuv.
Doch neHbogh charghbe''a'?
> HaStaDaq jabbI'ID labpu'bogh bejqa'lI' 'eSSIm. Hujqu' qabDaj. chIjwI'vaD
> jatlhtaHvIS rorqu'choH mInDaj Dung. 'eSSIm qab qu'qu'moH. jatlhtaHvIS pay'
> jorlaw' mIn. mInvo' ghaypu' 'Iw 'IqnaH je. bejtaHvIS chIjwI' bey yajlaH.
ghaybe' taS 'e' vIQub. bIQ ghay bIQ ghaywI' 'e' vInoH.
> SIbI' choH tu'be'pu' 'ach jorpu'DI' wuQbe'choHpu'. Qapchu' mInDu'Daj, 'ach
> Hujbej wanI'. qab Say'moHmeH ghop lo' 'eSSIm. nIjtaHbe'.
vaj pajbe'law' ghu'.
> bej'eghtaHvIS 'eSSIm, rI' may'Duj *veS*. ghIH 'eSSIm qab 'e' SaHbe' Sogh.
chaq quvHa'wI' qab SaHbe' neH.
> jatlh "yuQlIj wIbavchoHta'. nuqDaq luchlIj wIQol DaneH?" Quv ja' 'eSSIm. ja'
> Sogh, "DaHjaj Du' qachlIj chu' mutlhmeH, Qol cha' negh 'ej DunuDmeH Qol je
> Qel."
*lu*mutlhmeH, qar'a'?
qach mutlhmeH mIw vISovbe'. qach naQ qeng'a' *veS*?
> motlh mIw. jInmolDaj DIlmo' QI', luchDaj luqem 'ej 'eSSIm Qorgh QI'
> Qel.
Do'. pup Qel SuchmeH rep.
> pawpa' luch paw Qel. raSDaq ba'choH 'eSSIm HotlhtaHvIS Qel. ja'pu'pa' 'eSSIm
> mIn Seng tu' Qel. jatlh, "bIwuQtaH'a'?" 'oy', wanI' Huj je chID 'eSSIm. "pIj
> lam DatlhuH'a'?" jatlh Qel. tIr chach Del 'eSSIm, 'ach qaSmoHwI' taDwI' je
> perbe'.
<toDwI'> Hechlu''a'?
> yaj Qel 'ej ghu' Del. tlhIngan nach HomDaq ghIch teSDu' je rarmoH muD
> 'ochHomDu'.
HomDaq 'ochHom lutu'lu'bej'a'? nach qoD'e' luDab 'e' vIpIH, 'ach
tlhIngan porgh QeD vISovbe'ba'.
> 'eSSIm 'ochHomDu' lungejqu'lu'. jatlh Qel, "nachlIjDaq
> ratlhlaw'mo' tIr lam 'ochHomDu'lIjDaq cheplaH yaghmey. yaghmey 'ommeH
> porghlIj, 'IqnaH lIng 'ej 'IqchoHDI' jor. mInlIj Hom gho veghpu'.[128]
pIm Human, 'ach loQ rurlaH. mIn retlhDaq narghbe' rop 'omwI' HuH.
narghmeH rut teS DIr ghor.
(toH, DaSov 'e' vIlegh.)
> ngejlu'taHchugh qaSqa'. DuwuQqu'moH 'ej teSDu'lIj QIHlaH." HerghwI' lo' Qel.
> jatlh, "wa'les qaSuchqa'. chaq qaHaqnIS." Sengvetlh lIjlu'chugh pIvchu'
> 'eSSIm.
I'd probably have said {buSHa'lu'chugh} instead of {lIjlu'chugh}. Or
I'd have turned the sentence around and said {'eSSIm pIvHa'moH
Sengvetlh neH}.
> mejpu'DI' Qel, luch, Soj, cha' loDpu' je jol may'Duj. qach chu' Daq
> cha'pu'DI' 'eSSIm, 'ay'mey laghHa'choH negh.
vaj qach'e' lumutlhbe' 'e' vIHar. chenmeH qach, 'ay'mey neH mutlh 'e' vIQub.
> Qup chaH. tujmo' muD Dotlh,
> yIvbeHmeychaj teq 'ej jul bIngDaq vumtaHvIS yIQchoHDI' DIrDaj, wew
> SomrawDaj.
muDuQbe' ghu'vam 'e' vItu'. be' vIbej 'e' vImaSba'.
> qaStaHvIS wa'maH jav jarmey tlhIngan loD leghbe'taH 'eSSIm. QaS
> bejtaH 'e' tIv. chaHvaD wornagh bIr qem
wornagh bIr jablu'DI', reH QaQqu' nay'...
bIrchugh wornagh, tuj 'Iw...
> 'ej qach chu' nuDchoH. 'eSSIm
> luqIHbe'pu' loDpu' 'ej qorDu'Daj quvHa'ghach Sovbe'chu'. Ho'taHbogh be' neH
> lulegh, 'ej tuj 'eSSIm 'Iw. rI'qa'DI' Mahoun Qoybe' 'eSSIm.
tay'laHbe' chaH 'e' lajlaw'mo' 'eSSIm maHunvaD Do'Ha'.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol