tlhIngan-Hol Archive: Sat Apr 28 17:39:45 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh SochmaH vagh: SImchu'ta'
Mahoun's reference to twenty-one Andorian prisoners has triggered a
story from vajar.
175: SImchu'ta'
jatlh vajar, "wejmaH loS ben, QojtaH yuQjIjQa', tlhIngan wo' je.
tlhIngan mIch DoQta' DIvI'. tlhIngan logh wIHubba'taH. mIch 'elpu'DI'
nov veSDuj wIQaw'. mIch cholDI' nov tepqengwI' wIjon 'ej qama'pu'
DIyu'. DIvI' luboQtaHchugh Qo'noSDaq, rura' pente'Daq ghap DIngeHta'.
qaStaHvIS veSvetlh ngabpu' wa' tlhIngan ngaq Duj.
"Qo'noSDaq cha'maH wa' 'anDorngan qama' HIjlI' Dujvetlh. vagh jaj
poQpu' leng 'ach pawbe'. Qaw'pu' jagh net Har 'ach Qaw'lu'pu'be'.
lujpu' pIvghor. pIvghor Hutlhpu'mo' 'evnagh Se'mey lablaHbe'pu'.
SImqu'ta' HoD 'ej wuqta'. Hongghor chu'qu' 'ej pIvlob pagh vI' Hut
Hut Hut jav chav. qaStaHvIS gho'Do ngajchoHlaH poH. lengtaHvIS Duj
wa' jar SIQpu' chaH 'ach Qo'noSDaq qaSpu' wej DISmey."[159]
jatlh Mahoun, "vISov. wanI'mo' wej DISmey vIHutlh. jIHvaD QIjpu'
'anDornganpu' 'ej HoD jIHmo' DaH QeD vIyajba'. 'ach qatlh qaStaHvIS
jarvetlh 'anDornganpu' je'be' 'avwI'chaj? tlhoS pagh Soj luHevlaw'pu'."
jatlh vajar, "yuQ SIchmeH yap nIn 'ach HochvaD yapbe' Soj. qama'pu'
je'be'chu'chugh yapbe' je Soj. 'ach qama'pu' SopchoHchugh, yap.
lojDI' Soj, yIntaHmeH beq 'op qama'pu' Sop. yIntaHmeH latlh qama'pu' loQ je'."
jatlh 'eSSIm, "qama'pu' je''a'? qatlh jolDaq qama' polbe'? qatlh
SIbI' Hoch qama' HoHbe'? Ha'DIbaHchaj luchoqpu'chugh qama'pu' je'nISbe'pu'."
jatlh vajar, "ngugh wej 'Itlhmo' chamvetlh, jol qawHaqDaq yInbogh nuv
pollu'be'. yInbogh qama'pu' HIjmeH HoDvetlhvaD DIl QI'. Heghchugh
Hoch DIlQo' QI', 'ej chaq 'urmang ta'pu' net pum."
poSqu'choH Mahoun mInDu' 'ej chorDaj lu'uch DeSDu'Daj. "nuvpu'
vISoppu''a'?" jatlh.
jatlh vajar, "DujvetlhDaq maHbe'taH, Mahoun. *qeylIS batlh*
ponglu'pu' ngaq Dujvetlh. qaStaHvIS noHvetlh ngaq Duj *naQjej yoH*
vItoy'taH 'ej *naQjej yoH*Daq qa'avtaH ngabDI' *qeylIS batlh*. ngugh
noy wanI'. Duj toDlu'DI' leng poj QI'. yuQ toq SIchlaH, lojpa' nIn
'ej lojDI' Soj. SImchu'ta' HoD."
---
SKI: vajar tells Mahoun he was not on the ship whose occupants lost
three years to relativistic time contraction.
----
[159] Yes, I did the math. Clearly warp factors evade Lorentzian time
contractions, and under ordinary circumstances crews do not travel
for long at relativistic speeds under impulse, but if you push it to
the limit, that's what you get. Initially this entered the plot in a
more significant fashion and I had to solve for the distance covered
by the craft. I bet I'm the first person to substitute values into
the Loretz contraction using loghqam/jar as the units for c.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol